सव्वा महिना उपचार; ऑक्सीजन लेव्हल ७५ असताना कोरोनाबाधित महिलेचे वाचले प्राण

जळगाव : धरणगाव तालुक्यातील एक शेतकरी महिलेवर कोरोना बाधित (Coronavirus) होती. तिची ऑक्सीजन लेव्हल ७५ असल्याने तिच्यावर शासकीय वैद्यकीय महाविद्यालय व रुग्णालयात (Jalgaon Medical collage and Hospital) सुमारे सव्वा महिने यशस्वी उपचार केले. त्यानंतर ती संपूर्णतः बरी झाली. तिला नूकताच डिस्चार्ज देण्यात आला. जीवनमृत्युच्या (Fight with coronavirus) या संघर्षात वैद्यकीय पथकाला महिलेचा जीव वाचवण्यामध्ये यश मिळाले. (jalgaon-medical-collage-one-month-treatment-corona-positive-women-recover-and-descharge)

धरणगाव तालुक्यातील ५१ वर्षीय शेतकरी महिलेला कोरोनाची बाधा झाल्यानंतर तिला १६ एप्रिलला खासगी रुग्णालयातून शासकीय वैद्यकीय महाविद्यालय व रुग्णालयात दाखल करण्यात आले. त्यावेळी तिची ऑक्सिजन पातळी ७५ होती. ऑक्सिजन सारखा कमी जास्त होत असल्याने तिची प्रकृती चिंताजनक झाली होती.

नऊ दिवसात काढल धोक्‍याबाहेर

अतिदक्षता विभागामध्ये तिच्यावर यशस्वी उपचार केल्यानंतर तिला ९ दिवसानंतर धोक्यातून बाहेर काढत अतिदक्षता विभागातून कक्ष क्रमांक ९ मध्ये हलविण्यात आले. पुढील १ महिना १० दिवस कक्षामध्ये वैद्यकीय पथकाच्या देखरेखीखाली उपचार सुरू होते. गेल्या ४ दिवसांपासून तिची ऑक्सिजन पातळी नियंत्रणात आली.

महिलेला डिस्‍चार्ज

अधिष्ठाता डॉ.जयप्रकाश रामानंद यांच्या मार्गदर्शनाखाली औषध वैद्यक शास्त्र विभागाचे सहयोगी प्रा. डॉ. विजय गायकवाड, डॉ. शालमी खानापूरकर, डॉ. आस्था गणेरीवाल यांच्या सह कक्षातील रुपाली जोशी, प्रतिभा खंडारे, ललित सोनवणे, माधुरी टोकरे, सपना ढोले आदींनी यशस्वी उपचार केले. अधिष्ठाता डॉ. रामानंद यांनी आज महिलेला पुष्पगुच्छ देत रुग्णालयातून निरोप दिला. य वैद्यकीय अधीक्षक डॉ. प्रशांत देवरे, उप वैद्यकीय अधीक्षक डॉ. विलास मालकर, डॉ. विजय गायकवाड, डॉ. आस्था गणेरीवाल आदी उपस्थित होते.