Accident News
Accident Newsesakal

ट्रकच्या धडकेत दुचाकीवरील सासरा ठार; जावई जखमी

जावई आणि सासरा दुचाकीवरून जात असताना, येथील जामदा फाट्याजवळ त्यांच्या दुचाकीला मागून भरधाव ट्रकने जोरदार धडक दिली.

मेहुणबारे (ता. चाळीसगाव) : जावई आणि सासरा दुचाकीवरून जात असताना, येथील जामदा फाट्याजवळ त्यांच्या दुचाकीला मागून भरधाव ट्रकने जोरदार धडक दिली. मागे बसलेला सासरा ट्रकच्या चाकाखाली आल्याने जागीच ठार झाला, तर जावई जखमी झाल्याची घटना रविवारी (ता. १९) सायंकाळी सातच्या सुमारास घडली.

अनिल गोरख चव्हाण (वय २६, रा. मोरदड तांडा, ता. जि. धुळे) रविवारी (ता. १९) सायंकाळी सासरे सुभाष नथ्थू राठोड (४५, रा. सेवानगर तांडा, ता. चाळीसगाव) यांना मोरदड तांडा येथून त्यांच्या गावी सेवानगर तांड्यावर सोडण्यासाठी दुचाकीने (एमएच १८, बीटी ९०५२) जात होते. सायंकाळी सातच्या सुमारास जामदा फाट्याजवळ मागून भरधाव येणाऱ्या ट्रकने (एनएल ०१, एई ८४६३) त्यांच्या दुचाकीला जोरदार धडक दिली. या अपघातात दुचाकीच्या मागे बसलेले सुभाष राठोड रस्त्यावर पडले व ट्रकचे चाक त्यांच्या डोक्यावरून गेल्याने ते जागीच ठार झाले. या अपघातात अनिल चव्हाण जखमी झाले. त्यांच्या दुचाकीचेही मोठे नुकसान झाले. अपघातानंतर ट्रकचालकाने न थांबता, पळून जाण्यासाठी भरधाव ट्रक काढला. मात्र, अनिल चव्हाण यांनी आरडाओरड केल्यानंतर काही जणांनी दुचाकीवरून ट्रकचा पाठलाग केला व गिरणा हायस्कूलजवळ ट्रक पकडला. याबाबत अनिल चव्हाण यांच्या फिर्यादीवरून ट्रक चालकाविरोधात मेहुणबारे पोलिसांत गुन्हा दाखल झाला.

Accident News
नाशिक : अपघातग्रस्‍तांची ‘साथी’ ॲप करणार मदत
Accident News
तुम्हाला जर का अपचन, गॅस याचा त्रास असेल तर जेवणानंतर करा ही ५ योगासनं

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com