स्थानकांवरील भिकाऱ्यांचे 'तो' दाढीसह केसही कापतो

ravindra birari
ravindra birari

विक्रोळी (मुंबई): रेल्वे स्थानकांवर आढळणारे मनोरुग्ण, भिकारी या वंचित घटकांकडे समाज घृणास्पद नजरेने पाहत असतो. त्यांचे वाढलेले केस, दाढी आणि शरीराचा कुबट वास हे पाहून त्यांच्याजवळ जाण्याचे धाडस कुणीही करत नाही. परंतु, ते ही समाजाचा एक भाग आहेत, त्यांनीही नीटनेटके दिसावे, त्यांकडे पाहण्याचा दृष्टिकोन बदलावा या हेतूने रवींद्र बिरारी हा अवलिया पुढे आला. त्यांनी कोणतीही लाज न बाळगता अशा नाकारलेल्या घटकांचे केस कापणे आणि दाढी करण्याचा विडा उचलला आहे. बिरारी यांचे भांडूप येथे केसकर्तनालय आहे.

टिटवाळा येथे राहत असलेले 34 वर्षीय बिरारी हे आठवड्यातून 1 दिवस नाकारलेल्या घटकांसाठी देतात. केस व दाढी करण्याचे साहित्य घेऊन टिटवाळा ते भांडूप या प्रवासात विविध स्थानकांवर असणाऱ्या भिकारी, मनोरुग्ण व्यक्तीनं शोधून त्यांचे केस कापतात. आतापर्यंत त्यांनी अशा प्रकारच्या 500 जणांचे केस मोफत कापले आणि दाढी केली आहे.

समाजातील दुर्लक्षित घटकासाठी काही तरी करायचे आहे. पण माझ्या खिशात पैसे नाहीत. तेव्हा पैशांशिवायही आपल्या हातात असलेलेल्या कलेने आपण समाजसेवा करू शकतो हे ओळखत बिरारी यांनी समाजसेवेचा नवा वसा घेतला आहे. काही वेळा या व्यक्ती यांचे ऐकत नाहीत. पण त्यांच्याशी गोड बोलून किंवा त्यांना खाण्यासाठी काही देऊन ते केस कापतात. एकदा बिरारी यांना एका मनोरुग्णाने कानाखाली मारली होती.

अनेकदा भिकाऱ्यांचा विश्वास संपादन करायला वेळ लागतो. नाकारलेपणाची भावना तीव्र असल्याने त्यांना मायेचा ओलावा वा मदत सहन होत नाही, त्यांना विश्वासात घेऊनच केस कापावे लागतात, असे बिरारी यांनी सांगितले.

फलाटावर केस कापताना रेल्वे पोलिसांनी त्यांना एकदा पडकले होते. त्यांचा हेतू समजवताच त्याना सोडण्यात आले, असा अनुभव आल्याचे रवी यांनी सांगितले. बिरारी यांचा केश कर्तनालयाचा भांडूप दातार कॉलनी येथे व्यवसाय आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com