टोलनाका कर्मचाऱ्यांनी जपली बांधिलकी

आनेवाडी - मोतलिंग कुटुंबातील सदस्यांना रोख रक्कम देताना आनेवाडी टोलनाका कर्मचारी.
आनेवाडी - मोतलिंग कुटुंबातील सदस्यांना रोख रक्कम देताना आनेवाडी टोलनाका कर्मचारी.

सायगाव - पुणे-बंगळूर महामार्गावरील आनेवाडी टोलनाक्‍यावर काम करणाऱ्या स्थानिक भूमिपुत्र कर्मचाऱ्यांनी सामाजिक बांधिलकीतून (कै.) प्रमोद मोतलिंग यांच्या कुटुंबीयांना ७५ हजार रुपयांची आर्थिक मदत केली. मोतलिंग यांच्या मुलांच्या शिक्षणासाठीही मदतीचे आश्‍वासन त्यांनी दिले.

पुणे-बंगळूर महामार्गावर आनेवाडी टोलनाक्‍यावर कळंबे (ता. वाई) येथील प्रमोद संपत मोतलिंग (वय ४८) यांचे भाऊबिजेदिवशी हृदयविकाराने निधन झाले. मोतलिंग कुटुंबातील कर्ता व्यक्तीच निघून गेल्यानंतर कुटुंबावर मोठा आघात झाला होता. त्यांच्या मागे वयोवृद्ध आई, पत्नी, मुलगा व मुलगी असा परिवार असल्याने त्यांच्यापुढे उदरनिर्वाहाचा मोठा प्रश्न निर्माण झाला आहे.

त्याची जाणीव सहकारी कर्मचाऱ्यांना झाली. त्यामुळे टोलनाक्‍यावरील सर्व कर्मचाऱ्यांनी एक दिवसाच्या पगाराची ७५ हजार रुपयांची रक्कम देऊन मोतलिंग कुटुंबीयांना मदत केली. प्रमोद मोतलिंग हे गेल्या चार वर्षांपासून आनेवाडी टोलनाक्‍यावर काम करत होते. मोतलिंग यांच्या मुलांच्या शिक्षणासाठी मदत करण्याचे आश्वासनही कर्मचारी अविनाश फरांदे, सुनील चोरगे, अमित साळुंखे, सचिन जाधव, किरण भोसले, स्वप्निल सोनावणे, मोहन जाधव यांच्यासह सर्व कर्मचाऱ्यांनी दिले. टोलनाक्‍यावरील कर्मचाऱ्यांनी दाखवलेल्या सामाजिक बांधिलकीचे सर्व स्तरातून स्वागत होत आहे. टोकनाका व्यवस्थापन असलेल्या कंपनीनेही सामाजिक बांधिलकीतून मोतलिंग कुटुंबाला मदत करावी, अशी मागणी होत आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com