जिल्ह्यातील संगणक परिचालक देणार सामूहिक राजीनामे 

Computer operators in the district are going to give a collective resignation
Computer operators in the district are going to give a collective resignation

महाड - महाराष्ट्र सरकारच्या आपले सरकार सेवा केंद्रातर्गत काम करणाऱ्या संगणक परिचालकांवर मानधन न मिळाल्याने उपासमारीची वेळ आलेली आहे आपल्या न्याय व हक्कांसाठी रायगड जिल्ह्यातील सर्व संगणक परिचालक 11 मे ला जिल्हापरिषदेवर मोर्चा काढून ठिय्या आंदोलन करणार आहेत. तसेच त्याच दिवशी शासन आणि कंपनीचा निषेध म्हणून सामूहिक राजीनामे देणार आहेत. महाराष्ट्र राज्य संगणक परिचालक संघटनेचे रायगड जिल्हाध्यक्ष मयूर कांबळे (महाड) यांनी ही माहिती दिली.

महाराष्ट्र सरकारला यावर्षीचा पंचायत राज पुरस्कार मिळवून देण्यात संगणक परिचालकांनी महत्वाचे काम केलेले आहे. संगणक परिचालकांनी ग्रामपंचायतीमध्ये नेट कनेक्शन नसताना सायबर मध्ये स्वखर्चाने जाऊन तसेच उशिरा थांबून ग्रामपंचायतीची कामे पूर्ण केलेली आहेत त्याचसोबत जे काम शिपाई आणि लिपिकाचे आहे ती देखील कामे संगणक परिचालक करत आहेत. परंतु संगणक परिचालकांच्या न्याय व हक्कांसाठी आणि केलेल्या कामाचा मोबदला वेळेत मिळावा या साठी CSC-SPV कंपनीच्या विरोधात 9 एप्रिल पासुन कामबंद आंदोलन सुरु केले आहे. मानधन वेळेत न मिळाल्यास आंदोलन करण्या बाबत मुख्य कार्यकारी अधिकारी यांनी निवेदन देऊनही त्याची दखल प्रशासनाने न घेतल्याने तसेच CSC-SPV कंपनीच्या चुकांवर पांघरून घालणाऱ्या शासनाचा निषेध म्हणून रायगड जिल्हा संगणक परिचालक संघटनेच्या वतीने 11 मे ला रायगड जिल्हा परिषदेवर मोर्चा काढून ठिय्या आंदोलन आणि त्याच दिवशी रायगड जिल्ह्यातील सर्व संगणक परिचालक सामुहिक राजीनामे देणार आहेत .

जोपर्यंत आमचे आज पर्यंत चे सर्व थकीत मानधन आम्हाला मिळत नाही तोपर्यंत जिल्हा परिषदे समोरून संगणक परिचालक उठणार नाहीत, असा इशारा मयूर कांबळे यांनी दिला आहे. फेब्रुवारी 2017 ते मार्च 2018 थकित मानधन मिळावे, काही संगणकचालकांचे फेब्रुवारी 2017 ते डिसेंबर 2017 चे मानधन कपात केले आहे ते मिळावे, आरटीजीएस मध्ये अडकलेले मानधन मिळावे, अशा अनेक मागण्या संगणक परिचालकांनी केल्या आहेत.

आपण एका क्लिकवर ताजे अपडेट्स आपल्या मोबाईलमध्येही मिळवू शकता.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com