जिल्हा परिषद शाळेतील विद्यार्थ्यांनी तयार केला 'बाल कविता संग्रह'

अमित गवळे
बुधवार, 7 मार्च 2018

या कविता संग्रहाचे नाव "काव्यपुष्प बालमनांचे" असून यात शाळेतील इयत्ता पहिली ते सातवीच्या विद्यार्थ्यांनी रचलेल्या पन्नास कविता आहेत. या काव्य संग्रहाच्या प्रकाशिका शाळेच्या शिक्षिका चित्ररेखा जाधव या आहेत. मुलांनी तयार केलेला आणि प्रकाशित झालेला जि.प शाळेतला हा पहिलाच संग्रह असल्याचे बोलले जात आहे.

पाली : मुलांच्या उपजत प्रतिभा आणि कल्पना शक्तिला मोकळे आकाश देण्याचे काम पेण तालुक्यातील राजिप शाळा, आमटेम ने केले आहे. शाळेतील इयत्ता पहिली ते सातवीच्या विद्यार्थ्यांनी तयार केलेल्या स्वरचित कविता संग्रहाचे नुकतेच प्रकाशन आणि ई प्रकाशन डायट पनवेल प्राचार्य सुभाष महाजन आणि डायट टिम यांच्या मार्फत करण्यात आले.

या कविता संग्रहाचे नाव "काव्यपुष्प बालमनांचे" असून यात शाळेतील इयत्ता पहिली ते सातवीच्या विद्यार्थ्यांनी रचलेल्या पन्नास कविता आहेत. या काव्य संग्रहाच्या प्रकाशिका शाळेच्या शिक्षिका चित्ररेखा जाधव या आहेत. मुलांनी तयार केलेला आणि प्रकाशित झालेला जि.प शाळेतला हा पहिलाच संग्रह असल्याचे बोलले जात आहे. डायट प्राचार्य सुभाष महाजन यांच्यासह डायट टिमचे रोहन पाटील, शिंदे सर, वायाळ सर यांच्या हस्ते पुस्तकाचे प्रकाशन आणि ई प्रकाशन झाले. विशेष बाब म्हणजे विद्यार्थ्यांनी फेसबुक लाईव्हद्वारे कवितांचे सादरिकरण केले आणि उपस्तितांची मने जिंकली. यावेळी विद्यार्थ्यांच्या कलागुणांचे आणि शाळेचे गुणवत्तापुर्ण उपक्रम यांचे सादरीकरण केले गेले. सुभाष महाजन यांनी विद्यार्थ्यांशी सुसंवाद साधला मार्गदर्शन केले तसेच विद्यार्थी शिक्षकवृंद यांच्या कामाचे कौतुक केले. मराठी भाषा जतन संवर्धन यासाठी आम्ही सदैव कटीबध्द असल्याची ग्वाही शाळेच्या मुख्याध्यापिका यशोदा पाटील आणि शिक्षकांनी दिली.

या उपक्रमाबद्दल शिक्षणाधिकारी, गटशिक्षणाधिकारी व केंद्र प्रमुख यांनी शुभेच्छा दिल्या. या कार्यक्रमास डायट प्राचार्य सुभाष महाजन यांच्यासह डायट टिमचे रोहन पाटील, शिंदे सर, वायाळ सर तसेच राजिप शाळा, आमटेमच्या मुख्याध्यापिका यशोदा पाटील, शिक्षिका व काव्य संग्रहाच्या संपादिका चित्ररेखा र. जाधव, ल.स पाटील, सुचिता पाटील, हर्षदा दारकुंडे, राजश्री पेरवी, हिरामण दैरे, रुपाली मोकल हे शिक्षकवृंद तसेच भुमिका पाटील जय मोकल हे विद्यार्थी प्रतिनिधी आणि शाळा व्यवस्थापन समिती सदस्य व पालक उपस्थित होते.

Web Title: Marathi news Raigad news zp school poem