नाणारवरून तावडे यांनी काढला खासदार राऊत यांचा चिमटा

सकाळ वृत्तसेवा
गुरुवार, 10 मे 2018

रत्नागिरी -  नाणार जाणार की राहणार याची कोकण वाट पाहणार असा चिमटा शालेय शिक्षणमंत्री विनोद तावडे यांनी खासदार विनायक राऊत यांना काढला. निमित्त होते आडिवरे ता राजापूर येथे तावडे अतिथी भवनाचे.

रत्नागिरी -  नाणार जाणार की राहणार याची कोकण वाट पाहणार असा चिमटा शालेय शिक्षणमंत्री विनोद तावडे यांनी खासदार विनायक राऊत यांना काढला. निमित्त होते आडिवरे ता राजापूर येथे तावडे अतिथी भवनाचे.

कोकणामध्ये महामार्ग चोपदरीकरण, विमानतळ, सागरी महामार्ग या रूपाने विकास सुरू आहे, पण नाणार हा विषय बाजूला ठेवा. आज या व्यासपीठावर मी तावडे याना विनंती करतो. विनोद तावडे यांचा शब्द या सरकारमध्ये प्रमाण मानला जातो, असे सांगत खासदार विनायक राऊत यांनी नाणार विषय छेडला.

आडिवरे (ता. राजापूर) येथे आयोजित तावडे भवन उद्घाटन सोहळा शालेय शिक्षण मंत्री विनोद तावडे यांच्या हस्ते झाले. 

या कार्यक्रमाला वर्षा तावडे, आमदार भास्कर जाधव, खासदार विनायक राऊत, माजी आमदार बाळ माने, उद्योजक सुरेश कदम, नवेदरचे सरपंच बंधू शेट्ये, उल्का विश्वासराव, कुमार शेट्ये, क्षत्रिय मराठा तावडे हितवर्धक मंडळाचे अध्यक्ष दिनकर तावडे, शंकरराव तावडे, वास्तुविशारद संतोष तावडे, सिंधुदुर्ग जिल्हा बँक अध्यक्ष हरीश परब आदी उपस्थित होते.

आमदार भास्कर जाधव म्हणाले, तावडे मंडळाचे काम मोठे आहे. संस्थेला आज 75 वर्षे पूर्ण होत आहेत. कोणत्याही मंडळाचे वय वाढते तसे ते अनुभव संपन्न होते आणि कार्यक्षमता वाढते. ते चिरतरुण राहते. शतकमहोत्सवासाठी शुभेच्छा. 

आज राष्ट्रवादी कांग्रेसचे अध्यक्ष शरद पवार येणार होते, पण त्यांच्या पायाला जखम झाल्याने ते येऊ शकले नाही. दुर्धर आजारातून बरे होऊन ते 15 तास काम करत आहेत. ते येत नसल्याने मी आज शुभेच्छा देण्यासाठी आलोय. 

- भास्कर जाधव, आमदार

सतीश तावडे यांनी प्रास्ताविक केले, वास्तुविशारद संतोष तावडे यांनी तावडे व आडिवरे यांचा इतिहास सांगितला. भविष्यात पर्यटनाच्या नकाशावर तावडे भवन येईल, असा विश्वास व्यक्त केला.

Web Title: Ratnagiri News Tavade Bhavan Inauguration