भारत दौऱ्यासाठी साकलेन इंग्लंडचा फिरकी सल्लागार

पीटीआय
बुधवार, 26 ऑक्टोबर 2016

1999 च्या पाकिस्तानच्या भारत दौऱ्यात साकलेन कमालीचा प्रभावी ठरला होता. त्यामुळे पाकिस्तानने चेन्नई आणि कोलकाता येथील कसोटी सामने जिंकले होते. माझा अनुभव इंग्लंड संघाच्या कामी येईल, असाही विश्‍वास त्याने व्यक्त केला.

कराची : आगामी भारत दौऱ्यासाठी इंग्लंडने पाकिस्तानचा माजी फिरकी गोलंदाज सकलेन मुश्‍ताकला फिरकी सल्लागार म्हणून नियुक्त केले आहे. मी भारतात येण्यामुळे कोणती अडचण निर्माण होणार नाही, असा विश्‍वास सकलेनने व्यक्त केला.

इंग्लंडचा संघ भारतात पाच कसोटी सामन्यांची मालिका खेळणार आहे. यातील पहिला सामना 9 नोव्हेंबरपासून सुरू होत आहे. इंग्लंडचा संघ बांगलादेशमध्ये सध्या मालिका खेळत असून दुसरा कसोटी सामना 1 नोव्हेंबरला संपत आहे. त्यानंतर 2 तारखेला ते भारतात येतील; पण सकलेन 1 तारखेलाच भारतात येणार आहे. त्यानंतर तो 15 दिवस इंग्लंड संघाबरोबर राहणार आहे.

फिरकीस साथ देणाऱ्या खेळपट्टयांवर आपल्या फिरकी गोलंदाजांनी कशी गोलंदाजी करायची, याचा सल्ला साकलेन त्यांना देईल. भारतातील खेळपट्टया फिरकीस साह्य करणाऱ्या असतात. त्यामुळे इंग्लिश गोलंदाजांना टिप्स देण्यास मी इच्छुक आहे. तसेच त्यांच्या फलंदाजांनाही फिरकी गोलंदाजी कशी खेळायची, याचेही धडे मी देणार आहे; पण हे आव्हान सोपे नसेल, असे साकलेनने सांगितले.

1999 च्या पाकिस्तानच्या भारत दौऱ्यात साकलेन कमालीचा प्रभावी ठरला होता. त्यामुळे पाकिस्तानने चेन्नई आणि कोलकाता येथील कसोटी सामने जिंकले होते. माझा अनुभव इंग्लंड संघाच्या कामी येईल, असाही विश्‍वास त्याने व्यक्त केला.

साकलेन हा सध्या ब्रिटनचा नागरिक आहे. भारत-पाकिस्तान या दोन्ही देशांत सुरू असलेल्या तणावाचा माझा भारतात येण्यावर काही परिणाम होणार नाही; तसेच कोणतीही नकारात्मक प्रतिक्रिया येणार नाही, असे मत साकलेनने मांडले.

"दुसरा' या चेंडूचा शिल्पकार असलेल्या साकलेनने या अगोदर वेस्ट इंडीज, न्यूझीलंड, श्रीलंका, बांगलादेश आणि इंग्लंड संघाचेही फिरकी मार्गदर्शक म्हणून राहिले आहेत. महत्त्वाचे म्हणजे पाकिस्तान क्रिकेट मंडळाने कधीही त्याच्या सेवेचा उपयोग करून घेतलेला नाही.

क्रीडा

मेलबर्न : ऑस्ट्रेलियाचा वेगवान गोलंदाज मिशेल स्टार्क दुखापतीतून अद्याप पूर्ण तंदुरुस्त झाला नसल्याने आगामी भारत...

शुक्रवार, 18 ऑगस्ट 2017

दिल्लीचा विजय, तर गुजरातची बरोबरी अहमदाबाद - घरच्या मैदानावर गुजरात फॉर्च्युन जाएंट्‌सला आपली विजयी मालिका अखेरच्या दिवशी कायम...

शुक्रवार, 18 ऑगस्ट 2017

मुंबई - ऑस्ट्रेलियातील प्रसार माध्यमे विराट कोहलीबद्दल सतत टीका करत असली, तरी माझ्यासह त्याचे ऑस्ट्रेलियात असंख्य चाहते असल्याचे...

शुक्रवार, 18 ऑगस्ट 2017