विजयासह मुंबई सर्वप्रथम उपांत्य फेरीत

पणजी - मुंबई सिटी एफसीने यंदाच्या इंडियन सुपर लीग (आयएसएल) फुटबॉल स्पर्धेची उपांत्य फेरी गाठणारा पहिला संघ हा मान मिळविला आहे. त्यांनी गतविजेत्या चेन्नईयीन एफसीवर २-० अशी मात केली. सामना मुंबई येथील फुटबॉल अरेनावर बुधवारी झाला. 
मातियस डिफेडेरिको याने ३२व्या मिनिटाला केलेल्या गोलमुळे मुंबई सिटीने आघाडीवर घेतली, नंतर उत्तरार्धात ख्रिस्तियन वाडोच याच्या जबरदस्त गोलमुळे मुंबई सिटीची आघाडी वाढली. हा गोल ६०व्या मिनिटास झाला.