सानिया-मार्टिनाची उपांत्य फेरीत धडक

वृत्तसंस्था
शुक्रवार, 28 ऑक्टोबर 2016

सिंगापूर : भारताची सानिया मिर्झा आणि स्वित्झर्लंडची मार्टिना हिंगीस यांनी मोसमाच्या अखेरच्या डब्ल्यूटीए फायनल्स स्पर्धेत दुहेरीच्या उपांत्य फेरीत धडक मारली. शुक्रवारी त्यांनी तैवानच्या हाओ चिंग चान-युंग यान चॅन जोडीचे आव्हान 7-6(12-10), 7-5 असे परतवून लावले. या वर्षी जुलैमध्ये सानिया-मार्टिना जोडी फुटली होती. त्यानंतर प्रथमच त्या एकत्र खेळत होत्या.

उपांत्य फेरीत आता त्यांची गाठ अव्वल मानांकित कॅरोलिन गार्सिया-क्रिस्तिना म्लाडेनोविच आणि बेथानी माटेक सॅंड्‌स-ल्युसी सॅफारोवा यांच्यातील विजेत्या जोडीशी पडणार आहे.

सिंगापूर : भारताची सानिया मिर्झा आणि स्वित्झर्लंडची मार्टिना हिंगीस यांनी मोसमाच्या अखेरच्या डब्ल्यूटीए फायनल्स स्पर्धेत दुहेरीच्या उपांत्य फेरीत धडक मारली. शुक्रवारी त्यांनी तैवानच्या हाओ चिंग चान-युंग यान चॅन जोडीचे आव्हान 7-6(12-10), 7-5 असे परतवून लावले. या वर्षी जुलैमध्ये सानिया-मार्टिना जोडी फुटली होती. त्यानंतर प्रथमच त्या एकत्र खेळत होत्या.

उपांत्य फेरीत आता त्यांची गाठ अव्वल मानांकित कॅरोलिन गार्सिया-क्रिस्तिना म्लाडेनोविच आणि बेथानी माटेक सॅंड्‌स-ल्युसी सॅफारोवा यांच्यातील विजेत्या जोडीशी पडणार आहे.

सानिया आणि मार्टिना यांना पहिल्या सेटमध्ये कडवा प्रतिकार करावा लागला. दोन्ही जोड्यांनी या सेटमध्ये एकही सर्व्हिस गमावली नाही. सेटमध्ये 5-5 अशी बरोबरी असताना अकराव्या गेमला सानिया-मार्टिनाची सर्व्हिस भेदली गेली; पण हाओ-युंग यांना हा आनंद फार काळ अनुभवता आला नाही. सानिया आणि मार्टिना यांनी बाराव्या गेमला ब्रेकची संधी साधली आणि सेट टायब्रेकमध्ये नेला. टायब्रेकमध्येदेखील सानिया-मार्टिना यांना शर्थीचे प्रयत्न करावे लागले. तीन सेट पॉइंट वाचवल्यानंतर त्यांना पहिला सेट जिंकता आला.

दुसऱ्या सेटमध्येही सानिया-मार्टिना यांच्या अनुभवाची कसोटी लागली. हा सेटही बरोबरीतच सुरू होता. दहाव्या गेमला सानिया-मार्टिना यांना ब्रेकची संधी मिळाली. ही संधी साधून त्यांनी आपली सर्व्हिस राखत उपांत्य फेरीतील आपला प्रवेश निश्‍चित केला.

Web Title: Sania Mirza Martina Hingis reach semi-finals