नागपूरची मालविका बनसोड विजेती

मानसी गाडगीळ
मानसी गाडगीळ

पुणे - वर्धा येथे झालेल्या वरिष्ठ गटाच्या राज्य निवड चाचणी बॅडमिंटन स्पर्धेत नागपूरच्या मालविका बनसोडने महिला एकेरीचे विजेतेपद पटकावले; तर पुण्याची मानसी गाडगीळने महिला दुहेरीत विजेती ठरली.    

या स्पर्धेत महिला एकेरीच्या अंतिम लढतीत मालविका बनसोडने द्वितीय मानांकित वैष्णवी भालेवर २१-१८, २१-१२ असा विजय मिळविला. तत्पूर्वी, मालविका बनसोडने रंगतदार सामन्यात रेवती देवस्थळेवर एक सात पाच मिनिटांच्या खेळानंतर २१-१८, १७-२१, २१-१६ असा विजय मिळविला. दुसऱ्या लढतीत वैष्णवी भालेने पुण्याच्या श्रुती मुंदडाला २१-१७, २१-१२ असे हरविले.  
महिला दुहेरीचे विजेतेपद मानसी गाडगीळ (पुणे) व मृण्मयी सावजी (नागपुर) या अव्वल मानांकित जोडीने पटकावले. त्यांनी अंतिम लढतीत ठाण्याच्या रम्शा फारुकी व मृण्मयी देशपांडे या जोडीवर २३-२१, २१-१५ असा विजय मिळविला.

तत्पूर्वी, उपांत्य फेरीत मृण्मयी देशपांडे व रम्शा फारुकी या जोडीने दुसरे मानांकन असलेल्या नागपूरच्या भक्ती दहासहस्र व मुंबई उपनगरच्या वैष्णवी अय्यर या जोडीवर २१-१९, २१-२३, २१-१७ असा; तर मानसी गाडगीळ व मृण्मयी सावजी या जोडीने मुंबई शहरच्या अक्षया वारंग व मुंबई उपनगरच्या कल्पिता सावंत जोडीचा २१-११, २१-१५ असा पराभव केला होता.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com