VIDEO एँडरसनचा चेंडू पडला महागात, न्यूझीलंडच्या फलंदाजाचा तुटला दात

क्रिकेट मैदानात अनेकवेळा अपघात घडत असतात. अनेकदा गोलंदाजाच्या चेंडूमुळे फलंदाज जखमी झाल्याचे पाहिलं आहे. याचा प्रत्यय इंग्लंड (England) विरुद्ध न्यूझीलंड (New Zeland) सामन्यात आला. ही घटना २००८ मध्ये लॉर्ड्सच्या मैदानावर घडली आहे.

या सामन्यात, न्यूझीलंड संघाची धावसंख्या त्यावेळी १३० धावांवर ४ बाद अशी होती. त्यावेळी फलंदाजी करत असलेल्या फ्लिनला अँडरसनने एक खतरनाक बाऊंसर फेकला. चेंडू मारण्यात फ्लिनला अपयश आले. चेंडू थेट फ्लिनच्या हेल्मेटवर जाऊन आदळला. चेंडूचा फटका इतका जोरदार होता की हेल्मेट थेट फ्लिनच्या तोंडावर आदळले आणि तोंडातून रक्तस्त्राव सुरू झाला. रक्तस्त्राव पाहून वैद्यानी मैदानात धाव घेतली.

तपासणी केली असता त्याचा दात तुटला असल्याचे समजले. त्यानंतर त्याला उपचारासाठी मैदानाबाहेर नेण्यात आलं. सध्या या घटनेचा व्हिडीओ सोशल मीडियावर व्हायरल होत आहे.

या दुखापतीनंतर डॅनियल फ्लिनची कारकीर्द संपेल असे मानले जात होते, परंतु, न्यूझीलंडचा फलंदाज डॅनियल फ्लिनने हार मानली नाही आणि इंग्लंडविरुद्धच्या तिसऱ्या कसोटी सामन्यात 49 धावा करत क्रिकेटमध्ये शानदार पुनरागमन केले.