पाकचा उमर गुल झाला अफगाणिस्तानचा बॉलिंग कोच

पाकिस्तानचा (Pakistan) माजी वेगवान गोलंदाज उमर गुल (Umar Gul) याची अफगाणिस्तान (Afghanistan) क्रिकेट संघाचा बॉलिंग कोच (Bowling Coach) म्हणून नियुक्ती करण्यात आली आहे. तो अफगाणिस्तानच्या झिम्बावे दौऱ्यापासून संघाशी जोडला जाईल. या दौऱ्यावर अफगाणिस्तान तीन वनडे आणि तीन टी 20 सामने खेळणार आहे.

अफगाणिस्तान क्रिकेट बोर्डाने आपल्या अधिकृत वक्तव्यात सांगितले की, 'अफगाणिस्तान क्रिकेट बोर्डाने नुकतीच उमर गुलची बॉलिंग सल्लागार म्हणून नियुक्ती केली आहे. एप्रिल महिन्यापासून संघ युएईमध्ये सराव करत आहे. तेव्हा उमर गुल संघातील वेगवान गोलंदाजांबरोबर काम करत होता. त्याची उपयुक्तता पाहून आणि संघाची गरज पाहून त्याला आम्ही अफगाणिस्तान संघाचे बॉलिंग कोच होण्याचा प्रस्ताव दिला होता.'

गुल प्रमाणेच पाकिस्तानचा माजी कर्णधार युनिस खान याला देखील अफगाणिस्तान संघाचे बॅटिंग कोच म्हणून नियुक्त करण्यात आले आहे. गुलला पाकिस्तान सुपर लीगमध्ये क्वेट्टा ग्लॅडिएटर्सचा बॉलिंग कोच म्हणून काम करण्याचा अनुभव आहे. अफगाणिस्तानने नुकतेच ग्रॅहम थोर्पेंची संघाचे नवे मुख्य प्रशिक्षक म्हणून नियुक्ती केली आहे. त्यांनी लान्स क्लुजनर यांची जागा घेतली आहे.