हार्दिकबरोबर हँगआऊट केलं की असं होतं; रवी शास्त्री झाले ट्रोल

मुंबई : भारताचे माजी प्रशिक्षक रवी शास्त्री (Ravi Shastri) कायम आपल्या बेधडक वक्तव्यामुळे चर्चेत येत असतात. मात्र सध्या ते त्यांच्या वक्तव्यामुळे नाही तर ट्विटरवर शेअर केलेल्या स्वतःच्या फोटोमुळे (Photo) चर्चेत आले आहेत. त्यांनी अतरंगी कपडे (Unique Cloths) घातलेले फोटो ट्विटरवर शेअर केला आणि त्याच्यावर कमेंटचा पाऊस पडू लागला आहे.

पहिल्यांदा रवी शास्त्रींनी काळा गॉगल, जॅकेट आणि गळ्यात गोल्डन चेन घातली. या फोटोला रवी शास्त्रींनी 'ज्यावेळी तुम्ही रात्री झोपत नाही त्यावेळी गुड मॉर्निंग हे वैकल्पिक असतं.' असं कॅप्शन दिलं. काही वेळाने रवी शास्त्री यांनी त्याच कपड्यात अजून एक फोटो शेअर करत त्याला 'माझे कुटुंब मुंबईत राहते आणि मी क्षणांमध्ये.' बर रवी शास्त्री एवढ्यावरच थांबले नाहीत. अतरंगी कपडे घालण्याचे त्यांना जणू व्यसनच लागले होते. काही तासांनी त्यांनी एका वृद्ध महिलेसोबतचा फोटो शेअर केला. या फोटोत त्यांनी गुलाबी रंगाचा मखमली कोट घातला होता. या फोटोला त्यांनी 'तुम्ही यांना डीएम म्हणता माझ्यासाठी त्या माझ्या व्हीआयपी गेस्ट आहेत.'

रवी शास्त्री यांच्या या अतरंगी फोटोशूटवर चाहत्यांना कमेंटचा पाऊस पाडला आहे. रवी शास्त्री यांनी असे अतरंगी कपडे घातलेले फोटो सोशल मीडियावर का शेअर केले याचे कराण समजू शकलेले नाही. मात्र चाहते या फोटोंवर भारी भारी कमेंट करत आहेत.

रवी शास्त्रींचा भारतीय संघाचे मुख्य प्रशिक्षक म्हणून कार्यकाळ संपल्यानंतर त्यांनी काही महिने क्रिकेटपासून ब्रेक घेतला होता. त्यानंतर आता ते कॉमेंटरी बॉक्समध्ये परतले आहेत. ते संध्या आयपीएल 2022 मध्ये हिंदीमधून समालोचन करत आहेत.