पंकज अडवानीचा सर्वोच्च ब्रेक

पुणे - चौदाव्या आंतरपेट्रोलियम सांघिक बिलियर्डस स्पर्धेत पहिला दिवस मातब्बर पंकज अडवानी आणि नवोदित एस. श्रीकृष्ण यांनी गाजविला. ओएनजीसीच्या पंकजने १२४ गुणांचा सर्वोच्च ब्रेक नोंदविला, तर बीपीसीएलच्या एस. श्रीकृष्णाने नुकतीच सीसीआय स्नूकर स्पर्धा जिंकलेल्या ब्रिजेश दमानीवर मात केली.

ओएनजीसी आणि बीपीसीएल यांच्यात बुधवारी सकाळी दहा वाजता अंतिम सामना होईल. ओएनजीसी गतविजेता असल्यामुळे त्यांना उपांत्य फेरीत थेट प्रवेश मिळाला. 

पंकजने गेल संघाच्या इशप्रीत चढ्ढाविरुद्ध ही कामगिरी केली. यजमान बीपीसीएलसाठी शिष्यवृत्तीवर असलेल्या श्रीकृष्णाने ब्रिजेशविरुद्ध दोन अर्धशतकी ब्रेक नोंदविले. 

स्पर्धेचे उद्‌घाटन बीपीआरएलचे व्यवस्थापकीय संचालक अजय कुमार यांच्या हस्ते झाले. या वेळी बीपीसीएलचे उपसरव्यवस्थापक देवेंद्र जोशी, पीवायसी हिंदू जिमखान्याचे अध्यक्ष विजय भावे, बिलियर्डस-स्नूकर सेक्रेटरी शशांक हळबे यांच्या उपस्थितीत झाले.

निकाल -
सांघिक बिलियर्डस -
उपांत्य - ओएनजीसी विवि गेल २-० (पंकज अडवानी विवि इशप्रीत चढ्ढा २०८ (१२४)-६६, आलोक कुमार विवि आशुतोष पाधी २०० (८१, ६७)-४४). 
बीपीसीएल विवि इंडियन ऑइल २-० (एस. श्रीकृष्ण विवि ब्रिजेश दमानी २०० (६३, ५७)-५३, मनन चंद्रा विवि ध्वज हरिया २०२ (६१)-७३ (५७)