माउंट कूनवर पडले प्रथमच मराठी पाऊल!

सकाळ वृत्तसेवा
रविवार, 16 जुलै 2017

पुणे - गिरीप्रेमीने कारगिल भागातील माउंट कूनची मोहीम यशस्वी केली. महाराष्ट्रातील ही पहिलीच यशस्वी मोहीम आहे. विशेष म्हणजे सर्व पाचही सदस्यांनी शिखर सर केले. या शिखराची उंची ७०७७ मीटर आहे. एव्हरेस्टवीर रूपेश खोपडेच्या नेतृत्वाखाली डॉ. सुमीत मांदळे, किरण साळस्तेकर, दिनेश कोतकर आणि युगांक कदम यांनी ही कामगिरी केली. सुरू खोऱ्यातील हे शिखर चढाईसाठी अवघड मानले जाते. त्यातच आठ जुलै रोजी प्रतिकूल हवामानामुळे पहिला प्रयत्न यशस्वी होऊ शकला नाही. केवळ ४०० मीटर उंचीवरून गिर्यारोहकांना परतावे लागले. यानंतर १० जुलै रोजी दुसऱ्या प्रयत्नात सर्वांनी यश संपादन केले.

पुणे - गिरीप्रेमीने कारगिल भागातील माउंट कूनची मोहीम यशस्वी केली. महाराष्ट्रातील ही पहिलीच यशस्वी मोहीम आहे. विशेष म्हणजे सर्व पाचही सदस्यांनी शिखर सर केले. या शिखराची उंची ७०७७ मीटर आहे. एव्हरेस्टवीर रूपेश खोपडेच्या नेतृत्वाखाली डॉ. सुमीत मांदळे, किरण साळस्तेकर, दिनेश कोतकर आणि युगांक कदम यांनी ही कामगिरी केली. सुरू खोऱ्यातील हे शिखर चढाईसाठी अवघड मानले जाते. त्यातच आठ जुलै रोजी प्रतिकूल हवामानामुळे पहिला प्रयत्न यशस्वी होऊ शकला नाही. केवळ ४०० मीटर उंचीवरून गिर्यारोहकांना परतावे लागले. यानंतर १० जुलै रोजी दुसऱ्या प्रयत्नात सर्वांनी यश संपादन केले. ५४०० मीटरला कॅंप १, ६२०० मीटरला कॅंप २, तर ६४०० मीटरला कॅंप ३ लावण्यात आला. पहिल्या व दुसऱ्या कॅम्पदरम्यान ६०० ते ७०० मीटररुंचीची ६० अंश कोनातील हिमभिंत होती. दोरची, मिंग्मा व कामे या शेर्पांनी साथ दिली. उमेश झिरपे व अविनाश फौजदार यांनी मोहिमेला मार्गदर्शन केले.

Web Title: sports news first time marathi foot on mount kun