पुण्याने पाजले दिल्लीस पाणी

पुण्याने पाजले दिल्लीस पाणी

नवी दिल्ली - घरच्या कोर्टवर यू मुम्बाविरुद्ध दिल्लीने जवळपास दहा गुणांची आघाडी गमावत हार पत्करली होती, तर आज मध्यांतरास घेतलेली पाच गुणांची आघाडी गमावत पुणेरी पलटणविरुद्ध हार पत्करली. दिल्लीला सलग दुसऱ्या दिवशी महाराष्ट्रातील संघाने पाणी पाजले होते. दिल्लीने ही लढत २९-३४ अशी गमावली. 

भरवशाच्या दीपक हुडाच्या चढायांना गिरीश इरनाक आणि बदली मोनू यांच्या पकडींची मोलाची साथ लाभली. त्याच वेळी त्यांनी मेराज शेख आणि अबोलफाझी माघसोदिलोऊ या इराणच्या प्रमुख आक्रमकांना गुणांपासून रोखले. या दोघांच्या एकत्रित ३३ चढाईत दहाच गुण पुण्याने दिले, तर अनुभवी नीलेश शिंदेच्या चार पकडी विफल ठरवल्या.

पुण्याने दिल्लीवर एकतर्फी हुकूमत राखली. त्यांनी चढाईतील १९-१७ वर्चस्वास पकडीतील ११-६ वर्चस्वाची जोड दिली. पुण्याने उत्तरार्धात दोन लोण देत बाजी पूर्ण उलटवली.
तत्पूर्वी, बंगाल वॉरियर्सने बंगळूर बुल्सला ३३-२९ असे हरविले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com