स्टुअर्ट ब्रॉडच्या पबला आग लागल्याने मोठे नुकसान, जाणून घ्या संपूर्ण प्रकरण

Stuart Broad: इंग्लंड आणि न्यूझीलंड यांच्यातील दुसरी कसोटी सध्या नॉटिंगहॅममध्ये सुरू आहे. इंग्लंडचा वेगवान गोलंदाज स्टुअर्ट ब्रॉड सध्या कसोटी सामन्यात व्यस्त आहे. त्यादरम्यान स्टुअर्ट ब्रॉडच्या पबला मागून भीषण आगी लागले आहे. सुदैवाने या घटनेत कोणतीही जीवितहानी झाली नाही. आग कशी लागली हे अद्याप समजू शकलेले नाही. या प्रकरणाचा तपास सुरू आहे. स्टुअर्ट ब्रॉडला जेव्हा त्याच्या सह-मालकीच्या नॉटिंगहॅमशायर पबमध्ये भीषण आग लागल्याची बातमी मिळाली तेव्हा त्याला धक्का बसला.(stuart broad pub gutted by fire destroys)

ESPNcricinfo च्या वृत्तानुसार, ब्रॉडला शनिवारी सकाळी 6 वाजता बातमी मिळाली. आगीमुळे इमारतीचा पहिला मजला आणि छत उद्ध्वस्त झाले. पबला लागलेल्या आगीमुळे ब्रॉडचे मोठे आर्थिक नुकसान झाले आहे. या घटनेची छायाचित्रे त्याने स्वत: ट्विटरवर चाहत्यांसोबत शेअर केली आहेत. ट्विट करून ब्रॉनने आपले कर्मचारी आणि कठीण काळात मदतीसाठी आलेल्या लोकांचे आभार मानले आहे.

स्टुअर्ट ब्रॉडने ट्विट केले की, मला काही या बातम्यांवर विश्वास बसत नाही. आमच्या पबला आज सकाळी आग लागली. सुदैवाने कोणालाही इजा झाली नाही. नॉटिंगहॅमशायर अग्निशमन सेवा अविश्वसनीय होती. त्यांचे प्रयत्न आणि बाकीच्या लोकांनी केलेल्या मदतीबद्दल दिलगिरी व्यक्त करतो सर्वांचे आभार. आमच्या उत्कृष्ट कर्मचार्‍यांचा विचार करून, प्रत्येकाने समुदायासाठी एक खास पब तयार केला आहे.

दुसऱ्या कसोटीबद्दल बोलायचे झाले तर न्यूझीलंडचा पहिला डाव 553 धावांवर आटोपला आहे. स्टुअर्ट ब्रॉडने काईल जेम्सन आणि टिम साउथीला आपला बळी बनवले. प्रत्युत्तरात इंग्लंडने दुसऱ्या दिवसाचा खेळ संपला तेव्हा 107 धावांवर दोन गडी गमावले होत्या. तीन सामन्यांच्या मालिकेत इंग्लंडने १-० अशी आघाडी घेतली आहे. यजमानांनी पहिली कसोटी पाच गडी राखून जिंकली आहे.