1459 पैकी 1456 प्रकरणे मुख्यमंत्र्यांकडून निकाली 

सकाळ न्यूज नेटवर्क
मंगळवार, 3 एप्रिल 2018

मुंबई - दर महिन्याच्या पहिल्या सोमवारी मंत्रालयात होणाऱ्या ऑनलाइन लोकशाही दिनाला सामान्य नागरिकांना मुख्यमंत्री देवेंद्र फडणवीस यांच्याकडून वेळोवेळी न्याय मिळवून दिला जातो. सोमवारी झालेल्या 106 व्या लोकशाही दिनात सोलापूर येथील गरीब शेतकऱ्याला ठिबक सिंचनाचे अनुदान देण्याचे निर्देश देतानाच पुणे जिल्ह्यातील घोडेगाव येथील सिमेंट बंधाऱ्याची दुरुस्ती दोन महिन्यांत करण्याचे सांगून सामान्य शेतकऱ्याला न्याय मिळवून दिला आहे. 

मुंबई - दर महिन्याच्या पहिल्या सोमवारी मंत्रालयात होणाऱ्या ऑनलाइन लोकशाही दिनाला सामान्य नागरिकांना मुख्यमंत्री देवेंद्र फडणवीस यांच्याकडून वेळोवेळी न्याय मिळवून दिला जातो. सोमवारी झालेल्या 106 व्या लोकशाही दिनात सोलापूर येथील गरीब शेतकऱ्याला ठिबक सिंचनाचे अनुदान देण्याचे निर्देश देतानाच पुणे जिल्ह्यातील घोडेगाव येथील सिमेंट बंधाऱ्याची दुरुस्ती दोन महिन्यांत करण्याचे सांगून सामान्य शेतकऱ्याला न्याय मिळवून दिला आहे. 

या वेळी जळगाव, भांडूप, सातारा, सोलापूर, पुणे, अंमळनेर येथील नागरिकांनी तक्रारी दाखल केल्या. गेल्या तीन महिन्यांत लोकशाही दिनात 21 अर्ज प्राप्त झाले असून, त्यापैकी 18 अर्ज निकाली काढण्यात आले आहेत. आतापर्यंत लोकशाही दिनात एकूण 1 हजार 459 अर्ज प्राप्त झाले असून, त्यापैकी 1 हजार 456 निकाली काढण्यात आले आहेत. 

वेल्हे जिल्हा सातारा येथील मंगल पाटील यांच्या स्वमालकीच्या प्लॉटवर अन्य व्यक्तींची खोटी नावे लावल्याबाबत तक्रार केली होती. त्यावर 7 एप्रिलपर्यंत या प्लॉटवर मंगल पाटील यांचेच नाव लावण्याबाबत कार्यवाही करण्याचे निर्देश मुख्यमंत्र्यांनी सातारा जिल्हाधिकाऱ्यांना दिले. टाकळी सिकंदर जिल्हा सोलापूर येथील झुंबर गायकवाड यांना ठिबक सिंचनाचे शासकीय अनुदान न मिळल्याबाबत तक्रार केली होती. या प्रकरणाची फेर चौकशी करून अर्जदाराला लाभ मिळवून देण्याविषयी जिल्हाधिकाऱ्यांना सांगितले. बैठकीस सहकार विभागाचे अपर मुख्य सचिव एस. एस. संधू, कृषी विभागाचे अपर मुख्य सचिव विजयकुमार, सामान्य प्रशासन विभागाचे प्रधान सचिव महेश झगडे आदी उपस्थित होते.

Web Title: 1456 cases were filed by the Chief Minister