मंत्रिमंडळाचा लवकरच विस्तार : देवेंद्र फडणवीस

औरंगाबाद : केंद्रीय मंत्रिमंडळाने विस्तार केला असून राज्यातही लवकरच मंत्रिमंडळ विस्तार करण्यात येणार आहे. याच बरोबर मराठवाड्यात लवकरच मंत्रिमंडळाची बैठक घेऊ, अशी माहिती मुख्यमंत्री देवेंद्र फडणवीस यांनी रविवारी(ता.17) सोलर दालनाचे उदघाटन वेळी दिली.

मराठवाडा मुक्ती  संग्राम दिनाच्या कार्यक्रमा नंतर सहकार नगरात सोलार ऊर्जाच्या दालनाचे उदघाटन मुख्यमंत्री देवेन्द्र फडणवीस यांच्या हस्ते झाले. यावेळी त्यांनी पत्रकाराशी संवाद साधला. लवकर मंत्रिमंडळ बैठक औरंगाबादेत होईल. तसेच मंत्रिमंडळाचा विस्तार करण्यात येणार आहे. मात्र कधी होणार या बाबत हे सांगितले नाही. प्रत्येक मंत्र्याचा के आर ए पाहुण बदल करण्यात येणार आहे. यासाठी मंत्र्यांना एक प्रश्नवली देण्यात आली आहेत. या विस्तार नवीन चेहऱ्यांना संधी मिळण्याची आशा आहे.

राज्यात सुरू असलेल्या भारनियमन विषयी विचारले असतात या विषयी उत्तर देणे टाळले. या वेळी विधानसभा अध्यक्ष हरिभाऊ बागडे, विभागीय आयुक्त पुरूषोत्तम भापकर,  राज्य महिला आयोगाच्या अध्यक्षा विजया रहाटकर, खासदार चंद्रकांत खैरे, आमदार अतुल सावे, आमदार सुभाष झाबंड, उद्योजक मानशिंग पवार, विवेक देशपांडे, राम भोगले, संजय कणेकर, शिरीष बोराळकर उपस्थित होते.

पराभूत नगरसेवकानी स्थापन केली कार्पोरेट असोसिएशन 
महापालिका निवडणुकीत पराभूत झालेल्या भाजप नगरसेवकानी  कॉर्पोरेट असोसिएशन स्थपन केली आहे. याच असोसिएशन ने ऍग्री सोलर फिडरचे काम  करावेत,  पारंपरिक ऊर्जा आता मर्यादित राहिल्यामुळे अपारंपरिक ऊर्जा चा वापर करीत सोलर फिडरच्या माध्यमातून शेतकऱ्याना वीज देण्यात येईल अशी घोषणा ही मुख्यमंत्री फडणवीस यांनी यावेळी केली.