फडणवीसांचे मुख्यमंत्रीपद अनिश्चित- शिवसेना

फडणवीसांचे मुख्यमंत्रीपद अनिश्चित- शिवसेना

मुंबई- 'मुख्यमंत्री देवेंद्र फडणवीस हे ‘थापा’डे आहेत. त्यांची मुख्यमंत्रिपदाची खुर्ची ही फक्त शिवसेनेच्या पाठिंब्यावरच टिकून आहे. हे उद्या मुख्यमंत्री म्हणून राहतील की नाही याविषयी अनिश्चितता असतानाही हे महाशय मुंबईचे भवितव्य घडवायला निघाले आहेत,' अशा शब्दांत शिवसेनेने फडणवीस यांच्यासह भाजपची खिल्ली उडवली आहे. 

मंगळवारी मुंबईसह राज्यातील महापालिका आणि जिल्हा परिषदांसाठी उद्या (मंगळवार) मतदान होणार आहे. या पार्श्वभूमीवर शिवसेनेचे मुखपत्र 'सामना'तून मुख्यमंत्री व भाजपवर शेलक्या शब्दांत टीका करण्यात आली आहे. 

'जो उठतोय तो अफझलखानी विडा उचलतोय की, मुंबई घेणार म्हणजे घेणारच! भाजपवालेही अशा वल्गना करू लागले आहेत याची गंमत वाटते. त्यासाठी मुख्यमंत्री शिवसेनेकडे डोळे वटारून पाहत आहेत. मुंबईच्या नावाने रोज एक थाप मारली जात आहे. 

महाराष्ट्राची गरज म्हणून शिवसेनेने आपल्या खुर्चीस तात्पुरता टेकू लावला आहे हे विसरू नका, असा इशारा सेनेने दिला आहे. 
"मुख्यमंत्री म्हणून राज्याची जनता आपल्या पाठीशी देखील नाही. प्रचारासाठी गल्लीबोळ फिरण्याची वेळ राज्याच्या मुख्यमंत्र्यांवर यावी, हाच त्यांचा पराभव आहे."

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com