...त्यावेळी त्यांनी आमचादेखील फोन उचलला नव्हता; फडणवीसांचा टोला

उद्धव ठाकरे यांनी माझा फोन उचलला नाही असा दावा संभाजीराजे यांनी केला होता.
Devendra Fadnavis Uddhav Thackeray
Devendra Fadnavis Uddhav Thackerayesakal

मुंबई: काल कोल्हापूरचे छत्रपती संभाजीराजे यांनी राज्यसभा निवडणुकांतून माघार घेतली. त्याआधी राज्यसभेची निवडणूक अपक्ष लढवण्यावर ते ठाम होते. पण शिवसेनेने शब्द पाळला नाही, शिवसेनेचे उमेदवारी नको असं म्हणत त्यांनी राज्यसभेच्या निवडणुकांतून माघार घेतली आहे.

(Devendra Fadnavis on CM Uddhav Thackeray)

दरम्यान राज्याचे विरोधी पक्षनेते देवेंद्र फडणवीस यांनी उद्धव ठाकरे यांना २०१९ सालच्या विधानसभा निवडणुकांनंतर झालेल्या सत्तानाट्यात झालेल्या किस्स्याची आठवण करून दिली आहे. २०१९ च्या विधानसभा निवडणुका सेना भाजपाच्या आघाडीने एकत्र लढवल्या होत्या. पण मुख्यमंत्रीपदावरून काही दिवस महाराष्ट्रात सत्तानाट्य पाहायला मिळालं होतं. "उद्धव ठाकरे यांनी त्यावेळी आपलाही फोन उचलला नव्हता" असा टोला त्यांनी लावला आहे.

Devendra Fadnavis Uddhav Thackeray
हनुमान जन्मस्थळावरून वाद; साधू महंतांमध्ये 'रामायण'

दरम्यान संभाजीराजे यांची उद्धव ठाकरे, शरद पवार यांनी कोंडी केली आणि निवडणुकांतून माघार घेण्यास भाग पाडले असा आरोप त्यांनी लावला आहे. मुख्यमंत्र्यावर टीका करताना ते म्हणाले की, संभाजीराजेंचा फोन उद्धव ठाकरे यांनी उचलला नाही पण आम्ही ज्यावेळी निवडणुका जिंकलो आणि सत्ता स्थापण करण्यासाठी तयारी करत होतो त्यावेळी त्यांनीही आमचा फोन उचलला नव्हता असा टोला लावला आहे.

संभाजीराजे यांनी राज्यसभेच्या निवडणुकांतून माघार घेताना शिवसेनेला आपल्या टिकेचा धनी बनवलं आहे. "मी माघार घेतोय पण हा माझा स्वाभिमान आहे. मुख्यमंत्र्यांनी मला दिलेला शब्द पाळला नाही, त्यांनी मला शब्द दिला होता पण नंतर माझा फोनही उचलला नाही" असा आरोप करत त्यांनी मी ही निवडणुकांतून माघार घेत आहे असं त्यांनी सांगितलं होतं. त्यानंतर शिवसेनेवर बऱ्याच लोकांनी टीका केली होती.

Devendra Fadnavis Uddhav Thackeray
राणा अन् राष्ट्रवादी आमनेसामने; एकाच मंदिरात करणार हनुमान चालीसा पठण

त्यानंतर संजय राऊत यांनी आजच्या कोल्हापूरच्या पत्रकार परिषदेत आमची ऑफर संभाजीराजेंनी नाकारली आहे त्यामुळे आम्ही कोल्हापूरची उमेदवारी संजय पवारांना दिली आहे. आता त्यांचा आणि आमचा विषय संपला आहे असं स्पष्ट केलं.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com