'उत्साहाच्या भरात महाराष्ट्र जिंकण्याचा दावा करणं चुकीचं'

उत्तर प्रदेशमध्ये मायावती यांना मत अधिक पडली आहेत हे भाजपाने विसरुन जाऊ नये - जयंत पाटील
political
politicalesakal
Summary

उत्तर प्रदेशमध्ये मायावती यांना मत अधिक पडली आहेत हे भाजपाने विसरुन जाऊ नये - जयंत पाटील

देशातील चार राज्यांच्या विधानसभा निवडणुकीत भाजपानं विजयाचा झेंडा रोवला आहे. आज महाराष्ट्रात ठिकठिकाणी भाजपाकडून निवडणुक विजयाचा जल्लोष साजरा करण्यात येत आहे. दरम्यान, महाराष्ट्रात (Maharashtra) सत्तांतर अटळ असल्याचं विरोधी पक्षनेते देवेंद्र फडणवीस (Devendra Fadnavis) यांनी सूचक वक्तव्य केलं आहे. आता त्यांच्या या दाव्यावर राज्यातील सत्ताधाऱ्यांकडून प्रतिक्रिया येत आहेत. उत्साहाच्या भरात महाराष्ट्र जिंकण्याचा दावा करणे चुकीचं असा पलटवार जलसंपदा मंत्री जयंत पाटील (Jayant Patil) यांनी केला आहे.

political
आता लक्ष्य मुंबई! प्रदेश कार्यालयासमोरच फडणवीसांचा एल्गार

देवेंद्र फडणवीस यांच्या दाव्याला उत्तर देताना ते म्हणाले, उत्तर प्रदेशमध्ये (UP) मायावती यांना मत अधिक पडली आहेत हे भाजपाने विसरुन जाऊ नये. सर्वपक्ष यूपीमध्ये एकवटले असते तर विजय झाला असता. भाजपच्या (BJP) हातातून ही अनेक राज्य गेली होती. महाराष्ट्राच्या जनतेची मानसिकता वेगळी आहे. महाराष्ट्रात महाविकास आघाडीला धोका नाही. भ्रष्टाचार करणाऱ्यांवर कारवाई करायला हरकत नाही, पण भाजपातील लोकांवरही कारवाई व्हावी, आम्हीही भाजपची यादी दिली आहे त्याप्रमाण कारवाई व्हावी, असेही ते म्हणाले आहेत.

political
महाराष्ट्रात सत्तांतर अटळ; फडणवीसांचं सूचक वक्तव्य

पुढे ते म्हणाले, जंगजंग पछाडूनही महाविकास आघाडी (Mahavika Aghadi) पडत नाही हे भाजपच्या लक्षात आले आहे. त्यामुळं भाजपाने हे प्रयत्न चालवले आहेत. यासाठी सगळ्यांनी एकत्र यायला हवे, देश चालवायची जी चुकीची पद्धत आहे त्याचा विरोध करायला हवा. गोव्यात आमचे फारसे नेतृत्व नव्हते. आम्ही काँग्रेससोबत (Congress) येईल याची वाट पाहत होतो, असेही त्यांनी स्पष्ट केलं आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com