डॉ. आंबेडकर स्मारकाच्या खर्चात 166 कोटींची वाढ 

डॉ. आंबेडकर स्मारकाच्या खर्चात 166 कोटींची वाढ 

मुंबई - बिहार विधानसभा निवडणुकीच्या पार्श्वभूमीवर मुंबईतील इंदू मिल येथील भारतरत्न डॉ. बाबासाहेब आंबेडकर स्मारकाचे भूमिपूजन पंतप्रधान नरेंद्र मोदी यांनी केले. मात्र, 23 महिन्यांत कामच सुरू झाले नसल्याने या स्मारकाच्या खर्चात 166 कोटींची वाढ झाली आहे. 

माहिती अधिकारात मिळालेल्या माहितीनुसार, इंदू मिल स्मारकासाठी 591 कोटी रुपये इतका अंदाजित खर्च येणार असून, मेसर्स शशी प्रभू अँड असोसिएट्‌स यांना आतापर्यंत 3.44 कोटी दिल्याची माहिती "एमएमआरडीए' प्रशासनाने "आरटीआय' कार्यकर्ते अनिल गलगली यांना दिली आहे. 

मोदी यांनी भूमिपूजन केले त्या वेळी राज्य शासनाने 425 कोटी खर्च येणार असल्याची माहिती दिली होती. सध्या स्मारकाच्या बांधकामासाठी 14 एप्रिल 2017 रोजी "रचना व बांधणे' या तत्त्वावर निविदा मागविण्यात आल्या आहेत. निविदेसंबंधी कार्यवाही पूर्ण झाल्यानंतर स्मारकाचे काम सुरू होईल. यासाठी सुमारे 591 कोटी रुपये इतका अंदाजित खर्च येणार असल्याचे "एमएमआरडीए'ने स्पष्ट केले आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com