विहिरीतील कोल्ह्याची दोन तासांनी सुटका

सकाळ वृत्तसेवा
मंगळवार, 15 ऑगस्ट 2017

जुन्नर - भक्ष्याच्या शोधार्थ निघालेला कोल्हा वडज (ता. जुन्नर) येथे रविवारी (ता. १३) दुपारी विहिरीत पडला. दोन तासांच्या प्रयत्नानंतर त्याला बाहेर काढण्यात आले. बिबट निवारा केंद्र व वन विभागाच्या कर्मचाऱ्यांमुळे त्याला जीवदान मिळाले आहे.  

जुन्नर - भक्ष्याच्या शोधार्थ निघालेला कोल्हा वडज (ता. जुन्नर) येथे रविवारी (ता. १३) दुपारी विहिरीत पडला. दोन तासांच्या प्रयत्नानंतर त्याला बाहेर काढण्यात आले. बिबट निवारा केंद्र व वन विभागाच्या कर्मचाऱ्यांमुळे त्याला जीवदान मिळाले आहे.  

बिबट निवारा केंद्राचे पशुवैद्यकीय अधिकारी डॉ. अजय देशमुख व वनपाल कृष्णा दिघे यांनी सांगितले, की हा सुमारे चार वर्षे वयाचा कोल्हा रविवारी वडज येथील अनिल साळुंखे यांच्या शेतातील विहिरीत पडला. विहिरीत पडल्यानंतर बाहेर येता न आल्याने तो ओरडू लागला.  त्या आवाजाने साळुंखे यांनी विहिरीत डोकावले असता त्यांना कोल्हा दिसला. याबाबत वनपाल कृष्णा दिघे यांना साळुंखे यांनी कळविले. त्‍यानंतर त्‍याची दोन तासांत सुटका करण्यात आली.

Web Title: maharashtra news junnar fox