उद्धव ठाकरे यांच्या मध्यस्थीमुळे संप मिटण्याची शक्यता 

Uddhav Thackeray
Uddhav Thackeray

मुंबई : शिवसेना पक्षप्रमुख उद्धव ठाकरे यांनी स्वत: मध्यस्थी केल्याने गेल्या चार दिवसांपासून सुरू असलेला एसटी कर्मचाऱ्यांचा संप मिटण्याची शक्यता आहे. उद्या भाऊबीजेच्या दिवशी प्रवाशांचे हाल होऊ नये म्हणून हा संप मिटविण्याच्या जोरदार हालचाली सुरू असून कोणत्याही क्षणी संप मिटल्याची घोषणा होण्याची शक्यता आहे.

सातवा वेतन आयोग लागू करण्यासाठी एसटी कर्मचाऱ्यांनी पुकारलेला संप चौथ्या दिवशीही सुरू आहे. ऐन दिवाळीत एसटीचा संप सुरू झाल्याने प्रवाशांचे प्रचंड हाल होत आहेत. त्यातच परिवहन मंत्री दिवाकर रावते यांनी पुढची २५ वर्ष सातवा वेतन आयोग लागू होणार नसल्याचं विधान केल्यानं एसटी कर्मचाऱ्यांमध्ये संतापाची लाट उसळली आहे. त्यामुळे हा संप अधिकच चिघळला आहे.

हा संप मिटावा म्हणून शिवसेना पक्षप्रमुख उद्धव ठाकरे यांनी आज दिवाकर रावते यांच्याशी चर्चा फोनवरून चर्चा केली. त्यानंतर त्यांनी मुख्यमंत्री देवेंद्र फडणवीस यांच्याशी संपर्क साधला. या दोघांमध्येही संप मिटविण्यावर एकमत झाल्याचं सांगण्यात येतं. दुपारनंतर मुख्यमंत्री फडणवीस त्याबाबतीत हालचाल करण्याची शक्यताही सुत्रांनी वर्तविली. त्यामुळे संप मिटण्याची चिन्हे निर्माण झाली आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com