#MarathaKrantiMorcha वारकऱ्यांना कोणताही त्रास होणार नाही; मराठा मोर्चाचा निर्णय

औरंगाबाद : मराठा क्रांती मोर्चा तर्फे वारकऱ्यांना कोणताही त्रास होणार नाही, याबाबत महत्त्वपूर्ण निर्णय घेण्यात आला आहे. मुख्यमंत्र्यांना रोखायचे असेल तर, पंढरपुर परिसरापासून दुरच रोखावे.

सरकार विरोधातील मराठा क्रांती मोर्चाचे आंदोलन हे ज्याठिकाणी वारकरी थांबले असतील, त्या परिसरात कुठलेही आंदोलन होणार नाही. तसेच मराठा बांधवांनी त्याप्रकारचा प्रयत्न करू नये.

वारीच्या आडून काही धर्मांधशक्ती मराठा क्रांती मोर्चाच्या नावाने गोंधळ घालण्याची शक्यता आहे, त्याचे खापर मराठा समाजावर फोडण्याचेही त्यांचे कारस्थान आहे.

मुख्यमंत्र्यांच्या विरोधातील आंदोलन हे जिथे वारकरी थांबले नसतील, अशा ठिकाणी करावे. जेणेकरून आपल्या वारकरी बांधवांनाकुठलाही त्रास होणार नाही. असा निर्णय औरंगाबादच्या मराठा क्रांती मोर्चातर्फे घेण्यात आला आहे.