"जीएसटी' भरण्यात महाराष्ट्र अव्वल 

औरंगाबाद - देशात "जीएसटी' (वस्तू व सेवा कर) लागू झाल्यापासून आतापर्यंत महाराष्ट्राने करभरणा करण्यात देशात अव्वल स्थान पटकावले आहे. 31 डिसेंबर 2017 पर्यंत 30 हजार कोटी "एसजीएसटी' (राज्य वस्तू व सेवा कर); तर 16 हजार कोटी रुपयांचा "सीजीएसटी' (केंद्र वस्तू व सेवा कर) चा भरणा राज्यात करण्यात आला आहे, अशी माहिती केंद्रीय राज्य अर्थ मंत्रालयातर्फे देण्यात आली. 

एक जुलैपासून एक देश - एक कर प्रणालीअंतर्गत वस्तू व सेवाकर प्रणाली लागू करण्यात आली. राज्यातही "जीएसटी'ची प्रभावीपणे अंमलबजावणी करण्यात आली. यामुळे करदात्यांची संख्या वाढून कराचा भरणाही मोठ्या प्रमाणावर झाला. 31 डिसेंबरपर्यंत देशात 1 लाख कोटी करदात्यांनी "जीएसटी'साठी नोंदणी केली असल्याचे केंद्रीय वित्त मंत्रालयातर्फे सांगण्यात आले आहे. 

गुजरातलाही टाकले मागे 
औद्योगिकीकरणात पुढारलेल्या गुजरातलाही मागे टाकत महाराष्ट्रातून 30 हजार 186 कोटी रुपये राज्य वस्तू व सेवा कर, तर 16 हजार 639 कोटी केंद्रीय वस्तू व सेवा कर वसूल झाला आहे. त्यापाठोपाठ उत्तर प्रदेशने 11 हजार कोटी रुपये वसूल करीत दुसरे स्थान पटकावले. गुजरात सातव्या स्थानी गेला आहे. गुजरातमध्ये 6 हजार 139 कोटी "सीजीएसटी,' 12 हजार 67 कोटी रुपये "एसजीएसटी'चा भरणा झाला आहे. 

राज्य ---------------------------सीजीएसटी------------------एसजीएसटी 
महाराष्ट्र-------------------------- 16 हजार 639 कोटी-------- 30 हजार 186 कोटी 
उत्तर प्रदेश----------------------- 11 हजार 87 कोटी ----------14 हजार 752 कोटी 
कर्नाटक------------------------ 9 हजार 918 कोटी ---------- 14 हजार 107 कोटी 
तमिळनाडू----------------------- 8 हजार 305 कोटी ---------- 15 हजार 19 कोटी 
केरळ --------------------------- 6 हजार 417 कोटी ----------- 7 हजार 193 कोटी 
पश्‍चिम बंगाल-------------------- 6 हजार 214 कोटी------------ 8 हजार 405 कोटी 
गुजरात ------------------------- 6 हजार 139 कोटी ----------- 12 हजार 67 कोटी