विद्यार्थ्यांसाठी मोठी बातमी; MPSCची कमाल संधीची मर्यादा रद्द

यासंदर्भातील घोषणा आयोगाच्या संकेतस्थळावर प्रसिद्ध करण्यात आली आहे.
MPSC Exam
MPSC Examesakal

मुंबई : महाराष्ट्र लोकसेवा आयोगामार्फत घेण्यात येणाऱ्या विविध स्पर्धांसाठी उमेदवारांच्या प्रयत्नांच्या मर्यादित संख्येचा निर्णय रद्द करण्यात आला आहे. यासंदर्भातील घोषणा आयोगाच्या संकेतस्थळावर प्रसिद्ध करण्यात आली आहे. त्यामुळे उमेदवारांना आता वयाच्या अधीन राहून परिक्षा देता येणार आहेत.

(MPSC Exam Attempts Limit Cancelled)

महाराष्ट्र लोकसेवा आयोगामार्फत ३० डिसेंबर २०२० आणि २७ ऑक्टोबर २०२१ ला केलेल्या घोषणेमध्ये उमेदवारांना परिक्षा देण्यासाठी प्रयत्नांसाठी मर्यादा घातली होती पण ती मर्यादा आता रद्द करण्यात आली आहे. यासंदर्भातील घोषणा आयोगाच्या अधिकृत संकेतस्थळावर देण्यात आली आहे.

दरम्यान उमेदवारांना संधीच्या अटीची मर्यादा नसली तरी त्यांना वयाची अट लागू असणार आहे. ज्या त्या प्रवर्गातील उमेदवारांना वयाच्या नियमांच्या अधीन राहून कितीही वेळा परिक्षा देण्याची संधी मिळणार आहेत. या संदर्भातील घोषणा आयोगाने केली आहे.

UPSC ने लागू केलेल्या संधीच्या नियमानुसार MPSCने सुद्धा परिक्षा देण्यासाठी संधीची अट घालण्यात आली होती. त्यानूसार खुल्या प्रवर्गासाठी सहा तर इतर मागासवर्गीयांसाठी नऊ संधी देण्यात आल्या होत्या. तर अनुसूचीत जाती आणि अनुसूचित जमातीसाठी मर्यादा नव्हती. पण आता हा निर्णय महाराष्ट्र लोकसेवा आयोगाने मागे घेतला असून वयाच्या अटी पाळून उमेदवारांना आता कितीही वेळा परिक्षा देता येणार आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com