साम टीव्हीवर साहित्य संमेलन

सकाळ वृत्तसेवा
सोमवार, 26 फेब्रुवारी 2018

मराठी भाषा दिनानिमित्त खास कार्यक्रम

मुंबईः कविश्रेष्ठ कुसुमाग्रज यांचा जन्मदिन अर्थात मराठी राजभाषा दिनाचे औचित्य साधून साम टीव्हीने यंदा साहित्य संमेलनाचे आयोजन केले आहे. इन्फ्राटेक प्रस्तुत या साहित्य संमेलनाचे प्रक्षेपण साम टीव्हीवरून मंगळवारी (ता. 27) दुपारी 12 वाजल्यापासून केले जाणार आहे. कविता, कथा आणि परिसंवाद यातून मराठी भाषेचे वैभव अधोरेखित केले जाणार आहे. मराठी राजभाषा दिनानिमित्त तीन वर्षांपासून साम टीव्ही हा उपक्रम राबवत आहे. यंदा त्याचे चौथे पर्व आहे.

मराठी भाषा दिनानिमित्त खास कार्यक्रम

मुंबईः कविश्रेष्ठ कुसुमाग्रज यांचा जन्मदिन अर्थात मराठी राजभाषा दिनाचे औचित्य साधून साम टीव्हीने यंदा साहित्य संमेलनाचे आयोजन केले आहे. इन्फ्राटेक प्रस्तुत या साहित्य संमेलनाचे प्रक्षेपण साम टीव्हीवरून मंगळवारी (ता. 27) दुपारी 12 वाजल्यापासून केले जाणार आहे. कविता, कथा आणि परिसंवाद यातून मराठी भाषेचे वैभव अधोरेखित केले जाणार आहे. मराठी राजभाषा दिनानिमित्त तीन वर्षांपासून साम टीव्ही हा उपक्रम राबवत आहे. यंदा त्याचे चौथे पर्व आहे.

ज्येष्ठ साहित्यिक राजन खान, ज्येष्ठ कवी अरुण म्हात्रे, ज्येष्ठ कथाकार अप्पा खोत, ज्येष्ठ गजलकार ए. के. शेख, कवी नारायण पुरी, कवयित्री रमणी बबिता आकाश, किशोर मासिकाचे संपादक किरण केंद्रे, मराठी भाषा चळवळीतील कार्यकर्त्या आणि अभ्यासक डॉ. वीणा सानेकर, वाचनालय चळवळीतील कार्यकर्ते राजीव जोशी आदी मान्यवर या साहित्य संमेलनात सहभागी होणार आहेत. साम टीव्हीचे वरिष्ठ निर्माता आणि कवी दुर्गेश सोनार यांनी या साहित्य संमेलनाचे सूत्रसंचालन केले आहे.

Web Title: mumbai news saam tv marathi bhasha din sahitya sammelan