महाराष्ट्राच्या राजकारणाने कुस बदलली

महाराष्ट्राचे शहरी आणि ग्रामीण राजकारण बदलले असल्याचे नुकत्याच झालेल्या दहा महापालिका आणि 25 जिल्हा परिषदांच्या निवडणूक निकालानंतरच्या आकडेवारीवरून पुढे आले आहे. महाराष्ट्राच्या इतिहासात पहिल्यांदाच भाजप आणि शिवसेनेने निवडणूक झालेल्या सर्व महापालिकांमध्ये काँग्रेस आणि राष्ट्रवादी काँग्रेसला साफ मागे टाकले आहे. लोकसभेच्या 2014 च्या निवडणुकीनंतर झालेली काँग्रेसची घसरण थांबता थांबत नसल्याचेही मतदानाच्या आकडेवारीवरून स्पष्ट झाले आहे. राज्यात मुंबई वगळता अन्य महापालिकांमध्ये आणि जिल्हा परिषदांमध्ये एकूण मतांच्या भागीदारीत काँग्रेस थेट चौथ्या क्रमांकावर फेकली गेली आहे.

मुंबई महापालिकेची निवडणूक किती अटीतटीने झाली, याचे प्रत्यंतर राज्य निवडणूक आयोगाने आज (सोमवार) जाहीर केलेल्या आकडेवारीवरून येत आहे. भाजप आणि शिवसेनेला मिळालेल्या एकूण मतांमध्ये अवघा एक टक्क्यांचा फरक आहे. त्या फरकाने भाजप दुसऱया क्रमांकावर गेला आहे. अन्य नऊ महापालिकांमध्ये मात्र भाजपने जबरदस्त कामगिरी केल्याचे आकडेवारी सांगते. अन्य नऊ महापालिकांमध्ये मिळून भाजपने एकूण मतदानाच्या 35.36 टक्के मते घेत पहिल्या क्रमांकावर झेप घेतली आहे. 

काँग्रेस आणि राष्ट्रवादी काँग्रेस शहरांमध्ये थेट तिसऱया आणि चौथ्या क्रमकांवार फेकली गेली आहे. विशेषतः मुंबईत राष्ट्रवादी काँग्रेसच्या अस्तित्वावर प्रश्नचिन्ह उभे राहिले आहे. मुंबई महानगरात राष्ट्रवादीपेक्षा महाराष्ट्र नवनिर्माण सेनेला जास्त म्हणजे 7.88 टक्के मते मिळाली आहेत. राष्ट्रवादीला अवघी 4.96 टक्के मते पदरात पडली आहेत. 

महाराष्ट्राच्या ग्रामीण राजकारणाचा कणा समजल्या जाणाऱया जिल्हा परिषदेतही भाजपने अव्वल क्रमांक घेतला आहे. तिथे 24.91 टक्के मतांसह भाजप पहिल्या क्रमांकावर आहे. मात्र, ग्रामीण राजकारणात भाजपला येत्या काळात काँग्रेसचे नव्हे, तर राष्ट्रवादी काँग्रेसचे आव्हान राहणार असल्याचे आकडेवारी सांगते. जिल्हा परिषदांमध्ये भाजपखालोखाल राष्ट्रवादीला 22.25 टक्के मते मिळाली आहेत. 

मुंबई महापालिकेतील पक्षनिहाय मतेः 

अन्य नऊ महापालिकांमधील पक्षनिहाय मतेः
 

जिल्हा परिषदांमधील पक्षनिहाय मतेः (पक्ष, एकूण मते, टक्केवारी या क्रमाने)