माझ्या दंडावर बळजबरीने इंजेक्शन टोचलं, नितीन देशमुखांचा खळबळजनक खुलासा

राज्यभर राजकीय नाट्याने जोर धरला असून काल शिवसेनेचे आमदार नितीन देशमुख यांना हृदयविकाराचा झटका आल्याची माहिती समोर आली होती. याअगोदर त्यांच्या पत्नीने ते हरवले असल्याची तक्रार केली होती.

दरम्यान, ते नागपुरात दाखल झाले असून त्यांनी मला हृदय विकाराचा झटका आला नव्हता. माझ्या दंडावर बळजबरीने इंजेक्शन टोचले. अशा धक्कादायक खुलासा नितीन देशमुख यांनी केला आहे.

मी शेवटपर्यंत उद्धव ठाकरेंचाच शिवसैनिक आहे. मी आलो बाकीचेही येतील असा दावा त्यांनी यावेळी केला. मी शिवसैनिक आहे आणि शिवसैनिकच राहणार असे स्पष्ट नितीन देशमुख यांनी यावेळी केले.

एकिकडे शिवसेना खासदार संजय राऊत यांनी मविआ सरकार बरखास्त होणार असल्याचे संकेत दिले आहेत. दुसरीकडे, एकनाथ शिंदे यांनी आपल्या भूमिकेवर ठाम राहिले आहेत. शिवसेनेने भाजपासोबत सरकार बनवावं, मंत्रिपद दिलं नाही तरी चालेल अशी भूमिका शिंदेंनी घेतली आहे.आज दुपारी शिंदे राज्यपाल भगतसिंह कोश्यारी यांना भेटणार असून आपला गट हीच खरी शिवसेना असा दावा त्यांनी केला आहे.

दरम्यान, त्यांच्यासोबत असणारे आमदार नितीन देशमुख पुन्हा महाराष्ट्रात परतले आहेत. राज्यात परतताच त्यांनी त्यांच्या प्रकृतीसंदर्भात गंभीर दखल घेत मोठा खुलासा केला. मला हार्टअॅटक आला नसल्याचे त्यांनी यावेळी स्पष्ट केले.