पंढरपुरात भिंत पडून परभणी जिल्ह्यातील वारकरी ठार

पंढरपुरात भिंत पडून परभणी जिल्ह्यातील वारकरी ठार
पंढरपूर - येथील नवीन कराड नाका भागात वारकऱ्यांच्या पालावर लगतची भिंत कोसळून परभणी जिल्ह्यातील एक वारकरी जागीच ठार झाला. तर दोन वारकरी महिला किरकोळ जखमी झाल्या. ही घटना आज दुपारी साडे तीनच्या सुमारास घडली. या घटनेची समजलेली माहिती अशी की, परभणी जिल्ह्यातील जिंतूर येथील दिंडी सोहळ्यातील वारकरी येथील नवीन कराड नाक्‍याजवळ रमेश सदाशिव गेंड यांच्या गेट लगत मुक्कामास थांबले होते. तेथील जुनी भिंत आज दुपारी कोसळली. या घटनेत रामकिसन माधवराव कल्हाळे (वय 70, रा. पिंगळी, ता. परभणी) या वारकऱ्याच्या डोक्‍यास गंभीर जखम होऊन त्याचा मृत्यू झाला, तर सुमनताई तुकाराम कुदळे (वय 65), मंजुळाबाई दत्तात्रय कुदळे (वय 60, रा. दोघीही जिंतूर, जि. परभणी) या किरकोळ जखमी झाल्या.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com