Prakash Ambedkar
Prakash Ambedkar

पेशवाईला आमचा विरोध: प्रकाश आंबेडकर

पुणे : पेशवाईला आमचा विरोध आहे म्हणून पेशवाई पगडीलाही आमचा विरोध आहे. राष्ट्रवादी काँग्रेसचे अध्यक्ष शरद पवार यांनी महात्मा फुले यांची पगडी स्वीकारली त्याचा आनंद असल्याचे, भारिप बहुजन महासंघाचे अध्यक्ष प्रकाश आंबेडकर यांनी म्हटले आहे.

पुण्यात आज (बुधवार) घेतलेल्या पत्रकार परिषदेत प्रकाश आंबेडकर यांनी आगामी निवडणुकांविषयी भाष्य केले. तसेच भाजपवर जोरदार टीका केली.

प्रकाश आंबेडकर म्हणाले, ''आगामी निवडणुकीपूर्वी भटक्या विमुक्तांना सोबत घेऊन वंचित बहुजन आघाडीची स्थापना करत महाराष्ट्राचा दौरा करणार आहे. शेतकऱ्यांच्या परिषदा घेऊन निर्धार मूल्य, दुष्काळावर मात करणारी व्यवस्था याची मांडणी करण्यात येईल. केंद्र सरकार चुकीच्या भूमिका स्पष्ट करणार. आम्ही भाजप विरोधातल्या सगळ्या पक्षांना आवाहन करतो, जर आघाडी करायची असेल तर लोकसभेच्या 2 जागा धनगर, 2 जागा माळी, 2 जागा भटक्या विमुक्तांना देणार असतील तर आम्ही एकत्र यायला तयार आहोत. शरद पवार यांनी फुलेंनी पगडी स्वीकारली त्याचा आनंद, आमचा विरोध पेशवाईला आहे त्यामुळे त्यांच्या पगडीला आहेच. शरद पवारांना आम्ही पुरोगामी समजतो, पण त्यांच्या काही भूमिका प्रतिगामी त्या त्यांनी सोडावाव्यात.''

महाराष्ट्रात काश्मीरसारखी स्थिती उद्भवू शकते. पुरोगामी पक्ष म्हणून काँग्रेस राष्ट्रवादीशी आघाडीला आमची हरकत नाही, काही अटींवर एकत्र येऊ शकतो. संविधान बदलण्याचा आरएसएस भाजपचा अजेंडा आहे, असे आंबेडकर यांनी म्हटले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com