शिवस्मारकाचे श्रेय भाजप घेणार

सकाळ न्यूज नेटवर्क
बुधवार, 21 डिसेंबर 2016

मुंबई - अरबी समुद्रातील शिवस्मारकाचे पंतप्रधान नरेंद्र मोदी यांच्या हस्ते भूमिपूजन करून भाजप "शतप्रतिशत' राजकीय श्रेय घेणार आहे. मोदी यांच्या हस्ते येत्या 24 डिसेंबर रोजी भूमिपूजन करून मुंबई महानगरपालिका निवडणुकीच्या प्रचाराचा नारळ भाजप फोडणार असल्याचे राजकीय वर्तुळात मानले जाते.

मुंबई - अरबी समुद्रातील शिवस्मारकाचे पंतप्रधान नरेंद्र मोदी यांच्या हस्ते भूमिपूजन करून भाजप "शतप्रतिशत' राजकीय श्रेय घेणार आहे. मोदी यांच्या हस्ते येत्या 24 डिसेंबर रोजी भूमिपूजन करून मुंबई महानगरपालिका निवडणुकीच्या प्रचाराचा नारळ भाजप फोडणार असल्याचे राजकीय वर्तुळात मानले जाते.

मुंबई महानगरपालिका निवडणूक फेब्रुवारी 2017 मध्ये होणार आहे. पालिकेच्या 2012मध्ये झालेल्या निवडणुकीत शिवसेना आणि भाजपची युती होऊन जागावाटप झाले होते. मात्र, यानंतर पुलाखालून बरेच पाणी वाहून गेले. लोकसभा आणि विधानसभा निवडणुकीत भाजप केंद्रात आणि राज्यात सत्तेत आला. मात्र, विधानसभा निवडणुकीत हे दोन्ही पक्ष वेगवेगळे लढले. त्यानंतर झालेल्या कल्याण-डोंबिवली निवडणुकीतही हे दोन्ही पक्ष वेगळे लढले. सत्तेत मात्र एकत्र आले. त्याच धर्तीवर मुंबई महापालिका निवडणुकीत हे दोन्ही पक्ष वेगळे लढणार असल्याचे सांगितले जाते. त्यामुळे भाजप केंद्र व राज्य पातळीवर घेतलेले निर्णय आणि केलेली कामे याचा पुरेपूर राजकीय लाभ उठवण्याचा प्रयत्न करणार असल्याचे सांगितले जाते. परिणामी अरबी समुद्रातील शिवस्मारकाच्या भूमिपूजनाचा प्रचार व प्रसार भाजप जोरदारपणे करणार आहे.

महापालिकेत कोणत्याही परिस्थितीत भाजपची सत्ता आणण्यासाठी प्रयत्न करतानाचा केलेल्या कामांचे मार्केटिंग करण्याचा भाजपचा प्रयत्न आहे. त्यामुळे इंदू मिल येथील डॉ. बाबासाहेब आंबेडकर स्मारकाच्या मंजुऱ्या, मुंबईतील मेट्रो प्रकल्प यानंतर आता या स्मारकाचे भूमिपूजन करून शिवसेनेच्या "करून दाखवलं' घोषणेला राजकीय शह देण्याचे काम भाजपकडून केले जाणार आहे.

महाराष्ट्र

मुंबई - शिवसेना पक्षप्रमुख उद्धव ठाकरे यांनी कर्जमुक्तीवरून राज्य सरकारवर पुन्हा शरसंधान केले आहे. राज्यात कर्जमुक्तीची...

05.33 AM

मुंबई - कोकण परिसरात भाजपला अपेक्षित यश मिळत नसल्याने माजी मुख्यमंत्री नारायण राणे यांना पक्षात घेतले जाणार हे निश्‍चित आहे...

04.45 AM

मुंबई - स्वाइन फ्लूमुळे आतापर्यंत राज्यभरात 418 रुग्णांचा मृत्यू झाल्याने सरकार हादरले आहे. मात्र त्यातील जवळपास 60 टक्के...

03.45 AM