एसटी कामगार घेणार संप करण्यासाठी मतदान 

एसटी कामगार घेणार संप करण्यासाठी मतदान 

मुंबई - मागण्यांसाठी बेमुदत संप करावा का, याबाबत एसटी कामगारांची मते जाणून घेण्यासाठी प्रत्येक आगार आणि युनिटमध्ये 26 मे रोजी मतदान घेण्यात येणार असल्याची माहिती महाराष्ट्र एसटी कामगार संघटनेचे मुंबई विभागीय सचिव राजन येलवे यांनी गुरुवारी दिली. 

एसटी कामगारांच्या वेतन कराराची मुदत गेल्या वर्षी 31 मार्चला संपली आहे; मात्र अजूनही वेतन करार न झाल्याने लाखो कामगार वेतनवाढीपासून वंचित आहेत. राज्य सरकारच्या कर्मचाऱ्यांप्रमाणे एसटी कर्मचाऱ्यांनाही सातवा वेतन आयोग लागू करावा, अशी मागणी संघटना करीत आहे. सातवा वेतन आयोग देता येणार नाही, असा पवित्रा एसटी महामंडळाने घेतला आहे. त्याला विरोध करण्यासाठी महाराष्ट्र एसटी कामगार संघटना बेमुदत संपाची हाक देणार आहे. 

या संदर्भात संघटनेच्या मुंबई विभागातील पदाधिकाऱ्यांची बैठक 16 मे रोजी घेण्यात आली. या बैठकीनंतर कामगारांच्या मागण्यांचे निवेदन एसटी प्रशासनाकडे देण्यात आले आहे. त्याची दखल महामंडळाने न घेतल्यास नोटीस देऊन बेमुदत संप करावा का, याबाबत कामगारांचे मत जाणून घेण्यात येणार आहे, असे येलवे यांनी सांगितले. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com