शेट्टी - सदाभाऊंमध्ये थेट 'स्वाभिमानी' लढाई

Swabhimani Shetkari Sanghtana protesting for farmers issues in Mumbai
Swabhimani Shetkari Sanghtana protesting for farmers issues in Mumbai

शेतकऱ्यांच्या शेतीमालाला भाव नाही, शेतकऱ्यांच्या प्रश्नाकडे हे सरकार दुर्लक्ष करत आहे असा आरोप करत स्वाभिमानी शेतकरी संघटनेने आज (मंगळवार) मुंबईत विधानभवनाकडे जाणार रस्ता रोखून धरला. स्वाभिमानीच्या कार्यकर्त्यांनी कांद्याला आणि तुरडाळीला हमीभाव मिळावा यासाठी विधान भवन प्रवेशद्वारासमोरील रस्त्यावर आंदोलन केले. स्वाभिमानीच्या या गनीमीकाव्याने विधानभवन परिसरात स्वाभिमानीचा "आवाज" घुमला.

स्वाभिमानी शेतकरी संघटनेचे अध्यक्ष खासदार राजू शेट्टी आणि शेतकऱ्यांनी रस्त्यावर कांदा आणि तूरडाळ फेकून सरकारचा निषेध केला. या आंदोलनामुळे काही काळ विधानभवन प्रवेशद्वाराजवळ वाहतुकीचा खोळंबा झाला. स्वाभिमानीचे नेते राज्यमंत्री सदाभाऊ खोत यांच्याही गाडीवर आंदलकांनी कांदे फेकले. यामुळे स्वाभिमानीच्या रडारवर आता आपलेच नेते असल्याचे स्पष्ट झाले आहे. गेल्या काही दिवसांपासून स्वाभिमानीचे नेते खासदार राजू शेट्टी व राज्यमंत्री सदाभाऊ खोत यांच्यामध्ये विसंवाद निर्माण झाल्याच्या चर्चेला आता पुष्टी मिळाली आहे.

एकीकडे कांद्याला आणि तुरडाळीला हमीभाव मिळावा यासाठी शेट्टी आंदोलन करत असताना दुसरीकडे केंद्रात आणि राज्यात ते भारतीय जनता पक्षाचे घटक पक्ष आहेत. याबाबत विचारले असता खासदार शेट्टी यांनी शेतकऱ्यांच्या प्रश्नांसाठी स्वाभिमानी नेहमीच आग्रही राहणार असल्याचे सांगितले.  

सरकारमध्ये सहयोगी पक्ष असताना देखील स्वाभिमानी शेतकरी संघटनेला शेतकऱ्यांना हमीभाव मिळावा यासाठी तीव्र आंदोलन करावे लागत असल्याचे लक्षात आणून दिल्यावर शेट्टी यांनी वेळप्रसंगी सत्तेवर पाणी सोडू परंतू शेतकऱ्यांच्या प्रश्नावर तडजोड करणार नसल्याचे स्पष्ट केले.

दरम्यान, दुसरीकडे स्वाभिमानी शेतकरी संघटनेचे नेते आणि महाराष्ट्र सरकारमधील कृषी राज्यमंत्री खोत यांनी सरकार कांद्याला आणि तुरडाळीला रास्त भाव मिळावा यासाठी प्रयत्नशील असल्याचे सांगितले. त्याचेवळी स्वाभिमानी शेतकरी संघटनेने केलेल्या आंदोलनाचे देखील समर्थन खोत यांनी केले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com