...तर आत्महत्या करेन : सुनील तटकरे

then I will do Suicide says Sunil Tatkare
then I will do Suicide says Sunil Tatkare

नागपूर : सहावीच्या भूगोलाच्या मराठी माध्यमांच्या पुस्तकात गुजराती भाषेतील पाने जोडण्यात आली आहेत. ही बाब खोटी असल्याचे सिद्ध झाल्यास विष घेऊन या सभागृहातच आत्महत्या करतो, असा इशारा राष्ट्रवादी काँग्रेसचे ज्येष्ठ नेते व माजी मंत्री सुनील तटकरे यांनी दिला. तटकरेंच्या या इशाऱ्यानंतर सभागृहात शांतता पसरली आणि विधानपरिषदेचे सभापती रामराजे निंबाळकर यांनी सभागृहाचे कामकाज दिवसभरासाठी तहकूब केले.

सुनील तटकरे यांनी औचित्याच्या मुद्याद्वारे हा मुद्दा उपस्थित केला होता. मराठी माध्यमातील सहावीच्या भूगोलाच्या पुस्तकात गुजराती भाषेतील पाने कशी समाविष्ट झाली, अशी विचारणा तटकरे यांनी केली. यावेळी त्यांनी पुस्तकच सभागृहात दाखविले. महसूलमंत्री चंद्रकांत पाटील यांनी तटकरेंचा हा आरोप फेटाळून लावला. केवळ राजकारण करण्यासाठी तटकरे असे आरोप करीत आहेत. या मुद्यावरून दोनवेळा विधानपरिषदेचे सभागृह स्थगित करावे लागले.

सभागृहाचे कामकाज पुन्हा सुरू झाल्यानंतर तटकरे यांनी हा मुद्दा लावून धरला. यावेळी चंद्रकांत पाटील यांनी राज्य सरकारचा बचाव करताना तटकरे यांनी गुजराती भाषेतील पाने जोडली आहेत, असा काहीही प्रकार झालेला नाही. केवळ राजकारण करण्यासाठी असे मुद्दे विरोधक उपस्थित करीत असल्याचा आरोपही पाटील यांनी केला.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com