आर्मी ऑफिसरचा रोल करायचाय! : अभिजित खांडकेकर (रॅपिड फायर)

abhijeet khandkekar interview
abhijeet khandkekar interview

दिवसाची सुरवात कशी करतोस? 
- ग्रीन टी किंवा चहा पिऊन आणि दररोजच्या व्यायामाने मी दिवसाची सुरवात करतो. 

फिटनेस फंडा काय आहे? 
- पौष्टिक आहार आणि नियमित व्यायाम! 

रिकाम्या वेळात काय करतोस? 
- वैविध्यपूर्ण चित्रपट बघतो आणि वेगवेगळ्या विषयांवरची पुस्तकं वाचतो. 

अभिनेता झाला नसतास, तर काय व्हायला आवडलं असतं? 
- आर्मी ऑफिसर झालो असतो. 

तुझा ड्रीम रोल? 
- मला आर्मीमध्ये जायचं होतं, त्यामुळं आर्मी ऑफिसरचा रोल करायला नक्की आवडंल. 

बायकोच्या हातची आवडीची डिश? 
- सुखदा चकोल्या खूप छान करते, त्या आवडतात. 

कधीही ऐकावीशी वाटणारी गाणी? 
- "माझे माहेर पंढरी..' आणि "इंद्रायणी काठी..' मी नेहमी ऐकतो. 

बॉलिवूडमधील आवडता सिनेमा? 
- "लक्ष्य' आणि "जिंदगी ना मिलेगी दोबारा'. 

बदल करायची संधी मिळाल्यास अभिनय क्षेत्रात काय बदल करू इच्छितो? 
- कार्यक्रमांच्या, कामांच्या निमित्तानं परदेशात फिरणं होतं. तिकडच्याप्रमाणं थिएटर्स, लाइट आणि साउंड सिस्टिम आपल्याकडं आणण्याचा प्रयत्न करेन. 

या क्षेत्रात येणाऱ्या तरुणांना काय सांगशील? 
- स्ट्रगल आहेच. मेहनत करीत राहा, प्रसिद्धी आणि यश हे दोन्ही वेगळे आहेत. आपलं काम आपण प्रामाणिकपणे करत राहावं. 
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com