'हॉस्टेल डेज' २९ डिसेंबर रोजी प्रदर्शित होणार

Prarthana-Behere-and-Aroh
Prarthana-Behere-and-Aroh

'बावरे प्रेम हे', 'लग्न पाहावे करून' आणि 'सतरंगी रे' यासारखे गाजलेले चित्रपट दिल्यानंतर प्रख्यात लेखक, संगीत दिग्दर्शक आणि दिग्दर्शक अजय नाईक आता पुन्हा एकदा 'हॉस्टेल डेज' या आगामी चित्रपटातून रसिकांसमोर येत आहे. हा चित्रपट २९ डिसेंबर २०१७ रोजी सर्वत्र प्रदर्शित होत असून त्यात प्रार्थना बेहेरे, आरोह वेलणकर आणि विराजस कुलकर्णी यांच्या प्रमुख भूमिका आहेत.

"हॉस्टेलमध्ये राहणाऱ्या प्रत्येकाच्याच मनात हॉस्टेलमधील दिवसांची एक वेगळी अशी विशेष आठवण असते. ज्यांनी हे हॉस्टेलचे आयुष्य कधीच अनुभवले नाही, त्यांना या आयुष्याबद्द्ल नेहमीच कुतूहल असते. हॉस्टेलमधील त्या दिवसांबद्दल आठवण आली कि कोणीहि नॉस्टॅल्जिक होतोच," असे दिग्दर्शक अजय नाईक यांनी सांगितले.
 
ते पुढे म्हणाले की, कॉलेज जीवनावर कित्येक यशस्वी चित्रपट आले आहेत आणि जगभरात कित्येक भाषांमध्ये त्यांची निर्मिती झाली आहे. पण हॉस्टेल जीवनावर बेतलेला हा एक आगळा असा चित्रपट आहे. म्हणूनच या चित्रपटाबद्दल रसिकांमध्ये आताच मोठया प्रमाणावर उत्सुकता दिसत आहे.
 
चित्रपटाचे निर्माते सुभाष बोरा म्हणाले, "बहुआयामी अजय नाईक यांच्या दिग्दर्शनाखालील आमचा पहिला चित्रपट जाहीर करताना आम्हाला अतिशय आनंद होत आहे. ही हॉस्टेलमधील आयुष्यावर बेतलेली गोष्ट आहे. ती १९९० च्या दशकात आकाराला येते. त्यावेळी मोबाईल फोन, स्मार्ट फोन, केबल टीव्ही, इंटरनेट यापैकी काही नव्हतं. त्यामुळेच आयुष्यात खूप मजा होती. हॉस्टेलमधील आयुष्य त्यावेळी आता आहे त्याच्या कीतीतरीपट अधिक आकर्षक होते. म्हणूनच आजच्या प्रेक्षकांना त्यावेळच्या अगदी सोप्या सरळ गोष्टींची आठवण हा चित्रपट पाहताना येईल. हा संगीत चित्रपट त्यातील कर्णमधुर संगीतामुळे रसिकांसाठी एक पर्वणी ठरणार आहे."

या चित्रपटाची प्रस्तुती श्री पार्श्व प्रॉडक्शन आणि ट्वेन्टी फोर स्टुडिओ यांनी केली आहे आणि चित्रपटाची निर्मिती सुभाष बोरा, चंदन गेहलोत आणि हरविंदर सिंग ह्यांच्या श्री पार्श्व प्रॉडक्शन आणि अजय नाईक प्रॉडक्शनच्या सहकार्याने केली आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com