उमेश कामत आणि तेजश्री प्रधान 'असेही एकदा व्हावे'या चित्रपटातून प्रथमच एकत्र

गुरुवार, 11 जानेवारी 2018

दरम्यान या सिनेमाचा टीझर मोशन पोस्टरदेखील प्रदर्शित करण्यात आले. मकरसंक्रातीच्या मुहूर्तावर पार पडलेल्या या कार्यक्रमात उमेश आणि तेजश्रीने उपस्थितांना तिळगुळ देत शुभेच्छा दिल्या. शिवाय पतंग उडवण्याचा मनसोक्त आनंददेखील लुटला. सुश्रुत भागवत दिग्दर्शित या सिनेमाची श्री मधुकर रहाणे यांनी निर्मिती केली आहे.

छोट्या पडद्यावरील जान्हवी म्हणजेच तेजश्री प्रधान आणि मराठी चित्रपटश्रुष्टीतील गुणी अभिनेता उमेश कामत यांनी नुकताच मकरसंक्रांतीचा सण मोठ्या उत्साहात साजरा केला. झेलू एंटरटेनमेन्टस निर्मित 'असेही एकदा व्हावे' या सिनेमाच्या निमित्ताने हि जोडी प्रथमच मोठ्या पडद्यावर एकत्र येत असून, दादर येथील प्लाझा सिनेमागृहात नुकतीच या सिनेमाची अधिकृत घोषणा करण्यात आली.

दरम्यान या सिनेमाचा टीझर मोशन पोस्टरदेखील प्रदर्शित करण्यात आले. मकरसंक्रातीच्या मुहूर्तावर पार पडलेल्या या कार्यक्रमात उमेश आणि तेजश्रीने उपस्थितांना तिळगुळ देत शुभेच्छा दिल्या. शिवाय पतंग उडवण्याचा मनसोक्त आनंददेखील लुटला. सुश्रुत भागवत दिग्दर्शित या सिनेमाची श्री मधुकर रहाणे यांनी निर्मिती केली आहे. नुकताच प्रदर्शित झालेल्या या सिनेमाच्या टीझर मोशन पोस्टरवरून हा एक रोमँटिक चित्रपट असल्याचा अंदाज येतो, तूर्तास सिनेमाबाबतची एवढीच माहिती बाहेर आली असून, अभिनेत्री शर्वाणी पिल्लईचीदेखील यात महत्वाची भूमिका आहे. प्रेमाची नवी परिभाषा मांडणारा हा सिनेमा येत्या ६ एप्रिल 2018 रोजी संपूर्ण महाराष्ट्रात प्रदर्शित होणार आहे.
 

Web Title: esakal entertainment news news movie umesh kamat tejashri pradhan