बॉलीवूड दिग्दर्शकावर FIR, अमित शाह यांचा 'तो' फोटो व्हायरल करणं पडलं महागात

काही दिवस आधी झारखंडच्या IAS ऑफिसर पूजा सिंघलच्या(Pooja singhal) सी.ए कडून ईडीनं(ED) जवळपास १७ करोडची रक्कम जप्त केली होती. यादरम्यानचा एक व्हिडीओ सोशल मीडियावर जोरदार व्हायरल झाल होता. त्यानंतर पूजा सिंघलला मनी लॉंन्ड्रिंग केसमध्ये ईडीनं अटक देखील केली होती. आणि त्यामुळे तिला निलंबितही करण्यात आलं होतं. आता अनारकली ऑफ आरा आणि अशा एक-दोन बॉलीवूड सिनेमांचा दिग्दर्शक अविनाश दास(Avinash Das) वर अहमदाबाद पोलिसांच्या डिटेक्शन ऑफ क्राइम ब्रांच युनिटनं तक्रार दाखल केली आहे. दिग्दर्शकानं आपल्या ट्वीटर अकाऊंटवर अमित शाह(Amit Shah) सोबतचा पूजा IAS पूजा सिंघलचा फोटो शेअर केला आहे.

पोलिसांचे म्हणणं आहे की अविनाश दासने जो फोटो शेअर केला आहे त्यात केंद्रिय मंत्री अमित शाह(Amit Shah) आणि IAS पूजा सिंघल एकमेकांसोबत बातचीत करताना दिसत आहेत. हा फोटो २०१७ मधील एका सार्वजिनक कार्यक्रमातील आहे. लोकांमध्ये या फोटोच्या माध्यमातून चुकीची समजूत निर्माण करणे आणि अमित शाह यांच्या इमेजला धक्का पोहोचवण्याचा आरोप दिग्दर्शकावर करण्यात आला आहे. पोलिसांचं म्हणणं आहे की याधीही अविनाश दासने आपल्या फेसबूक अकाऊंटवरनं एका महिलेची मॉर्फ इमेज शेअर केली होती,ज्यामध्ये तिनं फक्त तिरंगा अंगावर लपेटला होता.

पोलिसांच्या म्हणण्यानुसार दिग्दर्शकाची फेसबूक पोस्ट १७ मार्चची आहे आणि शाह यांच्या सोबतचा फोटो ८ मे ला शेअर केला होता. अमित शाह आणि पूजा सिंघल यांचा फोटो शेअर करीत दिग्दर्शकानं ट्वीट मध्ये लिहिलं होतं,''घरातून करोडोंची रक्कम ईडीच्या हाती लागण्याच्या काही दिवस आधीचा पूजा सिंघल यांचा एक फोटो''. क्राइम ब्रांच कडून यांसदर्भात जे स्पष्टिकरण जारी करण्यात आलं आहे त्यात दिग्दर्शक अविनाश दासने तिंरगा अंगात लपेटलेल्या महिलेचा अश्लील फोटो हा राष्ट्रीय ध्वजाचा अपमान करण्याच्या हेतूनं पोस्ट केला होता. अविनाश दासवर जालसाजी आणि IT Act अंतर्गत अमित शाह आणि सिंघल यांच्या संदर्भातली खोटी पोस्ट व्हायरल केल्याप्रकरणी आणि राष्ट्रीय ध्वजाचा अपमान केल्याप्रकरणी तक्रार नोंदवण्यात आली आहे. या तक्रारी अंतर्गत अविनाश दासचं ट्वीटर अकाऊंटही बंद करण्यात आल्याचं बोललं जात आहे.