इरफान गाणार गाणं? 

अभिनेता इरफान खानने आपल्या अभिनय शैलीने सर्वांना आपलसं केलं आहे. नवनवीन प्रयोग करण्याकडे नेहमी त्याचा कल असतो. तसंच वेगवेगळ्या भूमिकांना तो जास्त प्राधान्य देतो. त्याच्या अभिनयाची प्रशंसा भारतात व परदेशातील लोकांनी केली आहे. आता तो गायन क्षेत्रात पदार्पण करणार असल्याची चर्चा सगळीकडे रंगली आहे. त्याचं एक छायाचित्र समोर आलं आहे. त्यात इरफान एका म्युझिक रेकॉर्डिंग रूममध्ये पापोन व अनू मलिकसोबत दिसतो आहे. त्यामुळे इरफान या दोघांसमवेत संगीत प्रोजेक्‍टची तयारी करत असल्याचं बोललं जातंय. इरफानच्या चाहत्यांना त्याचं गाणं ऐकण्याची उत्सुकचा असेलच.