शाहरूखची राधा 

jab harry met sejal
jab harry met sejal

बॉलीवूडचा किंग खान शाहरूख आणि सुलतान गर्ल अनुष्का शर्मा यांचा आगामी चित्रपट "जब हॅरी मेट सेजल' सिनेमातील पहिलं गाणं "राधा' प्रदर्शित झालं.

सुखविंदर सिंग आणि सुनिधी चौहान यांच्या स्वरांत सजलेल्या "राधा' या गाण्यावर शाहरूख आणि अनुष्का थिरकताना दिसताहेत. या गाण्याची सुरुवात होते शाहरूखपासून. सेजल ऊर्फ अनुष्का शर्माला पंजाबी लोक मोठ्या आवाजात का बोलतात, हे तो समजावून सांगत असतो.

शाहरूख म्हणाला की, पंजाबी लोक बहुतकरून शेतकरी असतात. शेतात काम करत असताना ट्रॅक्‍टरच्या आवाजामुळे त्यांना मोठ्या आवाजात गाणं गायला लागतं. असं सांगून हॅरी गाणं गायला सुरुवात करतो आणि सेजल ऊर्फ अनुष्काही उत्साहित होऊन त्याच्यासोबत ताल धरू लागते आणि दोघेही गाण्यावर थिरकू लागतात. "जब हॅरी मेट सेजल' चित्रपटात पंजाबी मुंडा आणि गुजराती छोकरीची प्रेमकथा पाहायला मिळणार आहे. ही प्रेमकथा आणि तीही इम्तियाज स्टाईल पाहण्यासाठी प्रेक्षक खूपच उत्सुक आहेत. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com