सोनाक्षीच परफेक्‍ट रज्जो

‘दबंग’ हा सलमानचा सुपर हिट फॉर्म्युला सोनाक्षीसाठीही सुपरहिटच ठरला. सोनाक्षीने त्यानंतर अनेक चांगले चित्रपट केले. पण सगळ्यालाच काही म्हणावं तसं यश आलं नाही. बऱ्याच दिवसापासून ‘दबंग ३’ मध्ये सोनाक्षीची जागा दुसरी अभिनेत्री घेणार असं बोललं जात होतं. पण नुकतंच सलमानने सोनाक्षीच परफेक्‍ट रज्जो आहे, असं सांगितलं. तो म्हणाला, रज्जोची भूमिका सोनाक्षी सोडून बाकी कोणीच चांगली करू शकत नाही. सलमानच्या या अशा बोलण्यामुळे ‘दबंग ३’ मध्ये सोनाक्षीची जागा पक्कीच झाली आहे. या चित्रपटात सलमानबरोबर अरबाज खानही मक्‍खनचंदच्या भूमिकेत असणारच आहे.

सलमान म्हणतो, मक्‍खनचंदशिवाय चुलबुल पांडे अपूर्ण आहे. या चित्रपटाचं दिग्दर्शन अर्थातच प्रभुदेवा करणार आहे. तसंच हा चित्रपट ‘दबंग’ आणि ‘दबंग २’ च्या आधीचा भाग असणार आहे. या चित्रपटात चुलबुल पांडे हा चुलबुल पांडे का झाला यामागची कथा प्रेक्षकांना पाहायला मिळणार आहे. मार्च २०१८ मध्ये हा चित्रपट प्रेक्षकांच्या भेटीला येईल.