ट्रम्प यांची नक्कल पाहून हृदय विदीर्ण: स्ट्रीप

वृत्तसंस्था
सोमवार, 9 जानेवारी 2017

आपल्या देशाच्या सर्वांत मानाच्या स्थानी बसणाऱ्या व्यक्तीने एका अपंग पत्रकाराची नक्कल केलेली पाहून अतीव दु:ख झाले

बेव्हर्ली हिल्स (कॅलिफोर्निया) - गोल्डन ग्लोब पुरस्कार सोहळ्यामध्ये जीवनगौरव पुरस्काराने गौरविण्यात आलेल्या मेरिल स्ट्रीप या ज्येष्ठ अभिनेत्रीने या व्यासपीठावरुन अमेरिकेचे होणारे राष्ट्राध्यक्ष डोनाल्ड ट्रम्प यांच्यावर कठोर टीका केली. ट्रम्प यांनी अध्यक्षीय निवडणुकीमधील प्रचारमोहिमेदरम्यान एका अपंग पत्रकाराची नक्कल केलेली पाहून हृदय विदीर्ण झाल्याची भावना स्ट्रीप यांनी व्यक्त केली.

"या वर्षामधील त्या एका अभिनयाने मला थक्क केले. तो अभिनय माझ्या हृदयामध्ये खोलवर रुतला आहे. तो अभिनय चांगला अर्थातच नव्हता. मात्र आपल्या देशाच्या सर्वांत मानाच्या स्थानी बसणाऱ्या व्यक्तीने एका अपंग पत्रकाराची नक्कल केलेली पाहून अतीव दु:ख झाले. तो एखाद्या चित्रपटातील अभिनय नव्हता. ही प्रत्यक्ष आयुष्यातील घटना असल्याने मी विसरु शकत नाही,'' असे तीन वेळा ऑस्कर पारितोषिक जिंकलेल्या स्ट्रीप म्हणाल्या.

साऊथ कॅरोलिनामधील एका प्रचारमोहिमेदरम्यान ट्रम्प यांनी न्यूयॉर्क टाईम्सच्या सेर्गेई कोव्हालेस्की या पत्रकाराची नक्कल केल्याचा आरोप त्यांच्याविरोधात करण्यात आला आहे. कोव्हालेस्की हे अपंग आहेत. मात्र ट्रम्प यांनी हा आरोप फेटाळून लावला आहे.

मनोरंजन

पुणे : गेल्यावर्षी एम एस धोनी हा सिनेमा प्रदर्शित झाला होता. सिनेमाने शंभर कोटींच्या क्लबमध्ये भरारी घेतली. केवळ हिंदीच नव्हे तर...

07.33 PM

पुणे: विविध स्पर्धांसाठी लोकप्रिय असलेलं बालेवाडीचं शिवछत्रपती स्टेडियम आता चित्रपटांसाठीही सातत्यानं वापरलं जाऊ लागलं आहे....

07.27 PM

मुंबई: 'नच बलिये'च्या आठव्या पर्वात सिध्दार्थ जाधव आणि तृप्ती यांनी आता जोरदार मुसंडी मारली असून, आपले एकापेक्षा एक दमदार...

01.45 PM