nawazuddin siddiqui : नवाझुद्दीन सिद्दीकीवर का आली लोकलने फिरण्याची वेळ..

entertainment news : कलाकारांच्या स्ट्रगल पिरियड मध्ये ऑडिशनपासून ते एखादी भूमिका मिळेपर्यंत त्यांच्या प्रवासाची माध्यम बनणारी मुंबईची लोकल चक्क एका बड्या कलाकारासाठी प्रवासाचे महत्वाचे साधन बनली आहे. अभिनय क्षेत्रात येण्यासाठी अविरत झटलेला आणि सध्या लाखो चाहत्यांचा शिरस्थानी असलेला अभिनेता नवाझुद्दीन सिद्दीकी (nawazuddin siddiqui) लोकलने फिरतो आहे. आज अनेक आलीशान गाड्यांचा मालक असलेला हा अभिनेता लोकल ट्रेनने फिरत असेल का, यावर कुणाचाच विश्वास बसणार नाही. पण त्याच्या एका चाहत्याने त्याला अचूक ओळख एक व्हिडीओ तयार केली सध्या हा व्हिडीओ वाऱ्यासारखी पसरत आहे.

नवाझने लोकल प्रवास केला तरी या गर्दीत त्याला कुणी ओळखले कसे नाही असा प्रश्न आपल्याला पडू शकतो. पण त्याने केलेला अवतार असा होता की त्याला सहज कुणीही ओळखले नसते. पण हे काम एका चाहत्याने केले आहे. समाज माध्यमांवर व्हायरल झालेल्या या व्हिडीओमध्ये नवाझ मास्क आणि गॉगल लावून स्टेशनवर येताना दिसत आहे.

एक व्यक्ती येतो, स्टेशनवर उभा राहतो आणि ट्रेन आल्यावर लोकल प्रवासही करतो. या प्रवासात त्याला कोणीही ओळखत नाही. अखेर एक व्हिडीओ व्हायरल होतो आणि त्यावर या अभिनेत्याला ओळखले का? असे कॅप्शन दिले जाते. ही व्हिडीओ वेगात पसरते आणि तेव्हा जगाला समजते हा व्यक्ती दुसरा तिसरा कोणी नसून अभिनेता नवाझुद्दीन सिद्दीकी आहे .

मिळालेल्या माहितीनुसार, नवाझुद्दीन सिद्दीकी मीरा रोड येथे त्याच्या आगामी चित्रपटाचे शूटिंग करत होता. मात्र त्यानंतर त्याला लगेचच आणखी एका इव्हेंटसाठी जायचे होते. त्यामुळे त्या ठिकाणी वेळेत पोहोचण्यासाठी त्याने स्वतःची गाडी न वापरता लोकलने प्रवास केला. त्याच्या या प्रवासाचा व्हिडीओ व्हायरल होत असून चाहते त्याचे कौतुक करत आहेत.