समाजभान जपणार्यांना दिला गेला 'शेंटिमेंटल' पुरस्कार

टीम ई सकाळ
रविवार, 9 जुलै 2017

आपण ज्या समाजात राहतो त्या समाजाचे काही देणं लागतो असा विचार करून समाजासाठी सतत कार्यरत असणाऱ्या डॉ. अर्चना सारडा, डॉ. राजेश सिन्हा, डॉ. राजगोपाल कालानी, रॉनी जॉर्ज, जयवंत वाडकर, मेधा मांजरेकर, सुगंधा लोणीकर,नितीन वैद्य आणि डॉ. उदय निरगुडकर  या नऊ कर्तुत्ववान व्यक्तिमत्वांचा महाराष्ट्र राज्याचे डी. जी. एस. आर. पी. एफ. मा. श्री. संदीप बिष्णोई, मा.सौ.किरणताई दिलीपराव वळसे पाटील आणि ज्येष्ठ अभिनेते अशोक सराफ यांच्या हस्ते ‘शेंटिमेंटल’ या पुरस्काराने गौरव करण्यात आला.

मुंबई : भिंतीवर टांगलेल्या महापुरुषांच्या तसबिरी, डी. एन. नगर पोलीस चौकी असा लागलेला बोर्ड, वाँटेड गुन्हेगारांचे फोटो आणि या पार्श्वभूमीवर पोलिसांची लगबग हे कोणत्या पोलीस चौकीचे वर्णन नसून मुंबई येथे पार पडलेल्या ‘शेंटिमेंटल’ या चित्रपटाच्या संगीताच्या लोकार्पण हृद्य सोहळ्याचे वर्णन आहे. हृद्य सोहळा कारण या सोहळ्यात आपण ज्या समाजात राहतो त्या समाजाचे काही देणं लागतो असा विचार करून समाजासाठी सतत कार्यरत असणाऱ्या डॉ. अर्चना सारडा, डॉ. राजेश सिन्हा, डॉ. राजगोपाल कालानी, रॉनी जॉर्ज, जयवंत वाडकर, मेधा मांजरेकर, सुगंधा लोणीकर,नितीन वैद्य आणि डॉ. उदय निरगुडकर  या नऊ कर्तुत्ववान व्यक्तिमत्वांचा महाराष्ट्र राज्याचे डी. जी. एस. आर. पी. एफ. मा. श्री. संदीप बिष्णोई, मा.सौ.किरणताई दिलीपराव वळसे पाटील आणि ज्येष्ठ अभिनेते अशोक सराफ यांच्या हस्ते ‘शेंटिमेंटल’ या पुरस्काराने गौरव करण्यात आला. आणि त्यांच्या उपस्थितीत चित्रपटाचे संगीत प्रदर्शित करण्यात आले. 

अभय जहिराबादकर, समीर पाटील, संतोष बोडके, मंजुषा बोडके यांच्या ई. सी. एम. पिक्चर्स द्वारे निर्मित, आर. आर. पी. कॉर्पोरेशन, बनी डालमिया प्रस्तुत आणि समीर पाटील लिखित दिग्दर्शित ‘शेंटिमेंटल’ या चित्रपटातून पोलिसांमधील माणसाची गोष्ट सांगण्यात आली आहे. 

विषय कितीही गंभीर असला तरी त्यावर मनोरंजक पद्धतीने भाष्य करत अंतर्मुख व्हायला लावणे ही समीर पाटील यांची खासियत आहे मग ‘शेंटिमेंटल’ तरी याला अपवाद कसा असेल! केवळ एका वेगळ्या विषयावरचा चित्रपट एवढेच या चित्रपटाचे वैशिष्ट्य नसून समीर पाटील यांच्या लेखणीतून उतरलेले खुसखुशीत संवाद, ठेका धरायला लावणारी आणि गुणगुणत रहावी अशी गाणी या चित्रपटाचा आत्मा आहेत. जी लिहिली आहेत मिलिंद जोशी, दासू वैद्य, गुरु ठाकूर आणि संगीतबद्ध केली आहेत मिलिंद जोशी यांनी. या चित्रपटात एकूण तीन गाणी असून त्यातील एका गाण्यात दिवस रात्र, वेळ काळ न बघता कार्यरत राहणाऱ्या पोलिसांचा संसार पोलीस चौकीशीच कसा बांधला गेलेला असतो याचे चित्रण करण्यात आले आहे. या गाण्यांना अवधूत गुप्ते, बेला शेंडे, शान, निहिरा जोशी देशपांडे, पावनी पांडे यांचा आवाज लाभला आहे. 

मुंबई पोलिसांच्या इंटरेस्टिंग ‘इंटरस्टेट ऑपरेशन’ ची कथा सांगणाऱ्या ‘शेंटिमेंटल’ या चित्रपटात विनोदाच्या अचूक टायमिंगद्वारे प्रेक्षकांच्या मनावर अधिराज्य गाजवणाऱ्या अशोक सराफ उर्फ मामांची प्रमुख भूमिका आहे. अशोक सराफ यांच्यासोबतच उपेंद्र लिमये, विकास पाटील, पल्लवी पाटील, सुयोग गोऱ्हे, रघुवीर यादव, रमेश वाणी, माधव अभ्यंकर, उमा सरदेशमुख, पुष्कर श्रोत्री, राजन भिसे, विद्याधर जोशी हे कलाकार देखील वेगवेगळ्या अतरंगी भूमिकांमध्ये प्रेक्षकांच्या भेटीस येणार आहे. लवकरच म्हणजे येत्या २८ जुलै रोजी ‘शेंटिमेंटल’ प्रदर्शित होणार आहे.

Web Title: shentimental awards movie esakal news