टायगरचा ऍक्‍शन क्‍लास 

टायगर श्रॉफ हे नाव आता बॉलिवूडमध्ये डान्स आणि ऍक्‍शनसाठी ओळखलं जातंय. टायगरने आपल्या पहिल्याच "हिरोपंती' या चित्रपटात जबरदस्त ऍक्‍शन आणि डान्सचं अफलातून कॉम्बिनेशन दाखवलं होतं. तेव्हाच "ये लंबी रेस का घोडा है' हे बऱ्याच जणांनी ओळखले. त्यानंतर टायगरने "अ फ्लाईंग जट', "बागी' या चित्रपटात त्याने आपल्या ऍक्‍शनची कमालच केली होती. तो सध्या त्याच्या आगामी "मुन्ना माइकल' या चित्रपटाच्या चित्रीकरणात बिझी आहे; पण एवढ्या गडबडीतही तो "बागी 2' या चित्रपटासाठी हॉंगकॉंगमधील ऍक्‍शन दिग्दर्शक टोनी चिंगकडून ऍक्‍शनचं ट्रेनिंग घेत आहे. टोनी चिंग हे "शॅओलिन सॉकर', "द किलर', "हिरो' यांसारख्या चित्रपटांच्या ऍक्‍शन सिक्‍वेन्ससाठी प्रसिद्ध आहेत. "बागी 2' या चित्रपटात टायगर एका सैनिकाच्या भूमिकेत दिसणार आहे. त्यासाठी टायगरची ही सगळी तयारी सुरू आहे.