बोलेरो-दुचाकीच्या धडकेत महिला ठार

accident
accident

फुलंब्री : फुलंब्री-औरंगाबाद रस्त्यावरील चौका गावाजवळील वानखेडे पेट्रोल पंपाजवळ बोलेरो - दुचाकी यांच्यात समोरासमोर धडक होऊन दुचाकीवरील 55 वर्षीय महिला ठार झाली आहे, तर पती जखमी झाल्याची घटना घडली आहे. ही घटना गुरुवारी रात्री घडली आहे. 

कौसाबाई गणेश सांगळे (रा.साताळा, ता.जि. औरंगाबाद) असे मृत महिलेचे नाव आहे, तर गणेश सांगळे (वय 60) हे जखमी झालेल्या व्यक्तीचे नाव आहे. फुलंब्री - औरंगाबाद रस्त्यावरील चौका गावाजवळील वानखेडे पेट्रोल पंपाजवळ औरंगाबादवरून साताळा आपल्या गावी जाणारे पती-पत्नी कौसाबाई व गणेश सांगळे दुचाकीने गुरुवारी सायंकाळी जात असताना फुलंब्रीकडून औरंगाबादला जाणाऱ्या बोलेरो वाहनाने सांगळे यांच्या दुचाकी समोरासमोर जोरदार धडक दिली. दरम्यान, कौसाबाई यांना जास्त मार लागल्याने त्यांना औरंगाबाद येथील घाटी रुग्णालयात उपचारासाठी घेऊन गेल्यानंतर डॉक्टरांनी त्यांना तपासून मृत घोषित केले, तर त्यांचे पती गणेश सांगळे जखमी झाले आहेत. या अपघाताची नोंद फुलंब्री पोलिस ठाण्यात करण्यात आली असून या घटनेचा पुढील तपास वसंत कुलकर्णी व अशोक सोकटकर करीत आहेत.
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com